KÜRDƏMİR, XAÇMAZ VƏ SİYƏZƏNDƏ AZOT GÜBRƏSİNİN GÜZƏŞTLİ ŞƏRTLƏRLƏ SƏYYAR SATIŞI TƏŞKİL OLUNACAQ

Böyütmək | Kiçiltmək |

Fevral ayından etibarən “Aqrolizinq” ASC tərəfindən rayon mərkəzindən uzaq məsafədə yerləşən kəndlərdə mövsüm başa çatmamış azot gübrəsinin güzəştli şərtlərlə səyyar satışına başlanılıb. Səyyar satışın həyata keçirilməsində əsas məqsəd gübrələrin alışı zamanı vətəndaşların sərf etdikləri zaman, məsafə itkisinin və əlavə məsrəflərin qarşının alınması, həmçinin vətəndaşlara cəmiyyətin əlçatanlığını, yaxınlığını təmin edərək, vətəndaş məmnuniyyətinə nail olmaqdır.

Növbəti səyyar satışlar mart ayının 14-də Kürdəmir rayonun Karrar kəndində keçiriləcək. Bu kəndə yaxın Pirili, Xınıslı və digər ətraf kəndlərin sakinləri də səyyar satışdan yararlana biləcəklər.

Digər səyyar satış mart ayının 15-də Xaçmaz rayonunun Ləcət kədində keçiriləcək. Bu kəndə yaxın Yalama, Susay kəndləri, Xudat şəhəri, Nabran, Seyidli, İstisu, Köhnə-Xudat ərazi dairələri və digər ətraf kəndlərinin sakinləri səyyar satışdan yararlana biləcəklər.

Bundan başqa, mart ayının 16-da Siyəzən rayonun Qozağacı kəndində səyyar satış keçiriləcək. Bu kəndə yaxın Məşrif, Qalaaltı, Çalğan, Qərəh, Qozağacı, Eynibulaq, Sədan və digər ətraf kəndlərin sakinləri səyyar satışdan yararlana biləcəklər.

Səyyar satış zamanı vətəndaşlar tələb olunan sənədləri təqdim etməklə 70% güzəştdən yaralanaraq mineral gübrəni əldə edirlər.

Səyyar satış barədə ətraflı məlumat almaq üçün Kürdəmir rayonu üzrə +99470 232-66-07 (Mətləb Kərimov, Kürdəmir Dövlət Aqrar İnkişaf Mərkəzinin direktoru), Xaçmaz rayonu üzrə +99450 524-84-15 (Azər Haqverdiyev, Xaçmaz Dövlət Aqrar İnkişaf Mərkəzinin direktoru), Siyəzən rayonu üzrə +99450 351-00-52 (Ənvər Hüseynov, Siyəzən Dövlət Aqrar İnkişaf Mərkəzinin direktoru) nömrəsi ilə əlaqə saxlaya bilərlər.