Fransanın aqrar sahədə fəaliyyət göstərən şirkətləri və həmin şirkətləri özündə birləşdirən ADEPTA təşkilatı sözügedən təşkilatın prezidenti xanım Reyçelin Levi-nin başçılığı altında Azərbaycanda səfərdədir.
Bu gün Aqrar Tədqiqatlar Mərkəzində ölkəmizdə səfərdə olan nümayəndə heyəti ilə Kənd Təsərrüfatı Nazirliyinin bir sıra tabeli qurumlarının nümayəndələri arasında görüş keçirilib.
Görüşdə Aqrar Tədqiqatlar Mərkəzinin direktor müavini Namiq Şalbuzov, Aqrar Xidmətlər Agentliyinin sektor müdiri Bəhlul Salmanov və Dövlət Aqrar Ticarət Şirkətinin direktoru Leyla Məmmədova təqdimatla çıxış edib.
Natiqlər təmsil etdikləri qurumların fəaliyyəti, görülən işlər və qarşıda duran vəzifələrlə bağlı təqdimat edib, qonaqları maraqlandıran sualları cavablandırıblar.
Müzakirələr zamanı ölkələrimiz arasında ticarət əlaqələri və aqrar sahədə əməkdaşlığın perspektivləri, ölkəmizdən Fransaya ixrac olunan kənd təsərrüfatı məhsullarının həcminin artırılması üçün belə görüşlərin keçirilməsinin əhəmiyyəti qeyd olunub.
Daha sonra qonaqlar Dövlət Aqrar Ticarət Şirkətinin “Kənddən Şəhərə” layihəsi çərçivəsində fəaliyyət göstərən eyniadlı satış mərkəzində olub, burada yaradılan şəraitlə tanış olublar.
Satış mərkəzi ilə tanış olan qonaqlar üçün yerli fermer və qida istehsalçılarının məhsullarının dequstasiyası da təşkil olunub.
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024
“Aqroservis” ASC-nin İdarə Heyətinin sədri Elmin Rəhmanov İmişlidə vətəndaşları qəbul edəcək
19 Aprel 2024
Ankarada Türkiyə-Azərbaycan Kənd Təsərrüfatı İcra Komitəsinin 11-ci iclası keçirilib
19 Aprel 2024
Kənd təsərrüfatı nazirinin müavini Elçin Zeynalov Lerikdə vətəndaşları qəbul edib, təsərrüfatlara baş çəkib
18 Aprel 2024