TÜRKİYƏ İLƏ AZƏRBAYCAN ARASINDA KƏND TƏSƏRRÜFATI SAHƏSİNDƏ ƏLAQƏLƏR DAHA DA GENİŞLƏNİR

Böyütmək | Kiçiltmək

TÜRKİYƏ İLƏ AZƏRBAYCAN ARASINDA KƏND TƏSƏRRÜFATI SAHƏSİNDƏ ƏLAQƏLƏR DAHA DA GENİŞLƏNİRFevralın 13-də kənd təsərrüfatı naziri Heydər Əsədov Türkiyə Respublikasının Azərbaycan Respublika- sındakı Fövqəladə və Səlahiyyətli səfiri Erkan Özoral, Türk Əməkdaşlıq və Koordinasiya Agentliyinin (TİKA) Bakı üzrə Proqram Koordinator- luğunun Rəhbərinin müavini Mehmet Ali Yetiş, Türkiyə Azərbaycan İş Adamları və Sənayeçiləri İctimai Birliyinin rəhbəri Ali İhsan Genç və Azərbaycan Türkiyə İş Adamları Birliyinin rəhbəri Cemal Yangın ilə görüşüb.

Görüşdə İki ölkə arasında kənd təsərrüfatı sahəsində gələcək əməkdaşlıq imkanları müzakirə olunub.  

Qonağı səmimi salamlayan nazir Heydər Əsədov TİKA ilə əməkdaşlığa önəm verdiyini bildirərək, həyata keçirilən layihələri yüksək qiymətləndirib.

Nazir Türkiyə Respublikası Universitetlərinin baytarlıq sahəsindəki zəngin təcrübələrindən istifadə edərək ADAU-nun “Baytarlıq təbabəti və zoomühəndislik” fakültəsinin tədris bazasının müasir standartlara uyğunlaşdırılması və “Baytarlıq Klinikası”nın yaradılması istiqamətində tədbirlərin görülməsini, TİKA-nın yardımı ilə Saatlı və Sabirabad rayonlarında 80 baş damazlıq qaramalın 40 ailəyə paylanılaraq yüksək məhsuldar heyvanlar əldə olunduğunu və TİKA-nın dəstəyi ilə “Azərbaycan-Türkiyə Toxumçuluq və Araşdırma Ortaq Müəssisə”sinin maddi-texniki bazasının möhkəmləndirildiyini, regionlarda arıçılığın inkişaf etdirilməsi üzrə tədbirlərin həyata keçirildiyini nəzərə çatdırıb.

Nazir Heydər Əsədov aqrar sahədə Türkiyənin əldə etdiyi uğurları yüksək qiymətləndirib, xüsusən də dost ölkənin toxumçuluq, tərəvəzçilik və ana arı yetişdiriciliyi sahəsində təcrübəsindən bəhrələnmək və bu sahədə mütəxəssislər arasında təcrübə mübadiləsinin aparılmasını nəzərə çatdırıb.  

Sonda tərəflər arasında kənd təsərrüfatı sahəsində qarşılıqlı maraq doğuran sahələr üzrə fikir mübadiləsi aparıldı.