Zaqatala rayonunda gələn ilin məhsulu üçün 11 min hektaradək sahədə payızlıq dən bitkilərinin səpini proqnozlaşdırılır. Bu məqsədlə indiyədək 5 min 250 hektar sahədə şum aparılıb və bu iş davam etdirilir. Artıq rayonun bəzi ərazilərində arpa səpininə start verilib. İndiyədək Əliabad qəsəbəsinin, Muğanlı, Bəhmətli, Yengiyan, Kəpənəkçi, Dağlı, Lahıc, Üçüncü Tala kəndlərinin ərazilərində 545 hektar sahəyə arpa toxumu səpilib. Payızlıq dən bitkilərinin səpini üçün rayonda fəaliyyət göstərən toxumçuluq təsərrüfatları tərəfindən indiyədək 1800 ton yüksək reproduksiyalı toxum fondu yaradılıb. Ayrılmış buğda və arpa toxumu təmizlənərək dərmanlanıb və səpinə hazır vəziyyətə gətirilib. Eyni zamanda, fermerlər səpin üçün lazım olan keyfiyyətli toxumları digər toxumçuluq təsərrüfatlarından da ala biləcəklər.
Rayon üzrə səpin kampaniyasına 200-dək traktor və toxumsəpən aqreqat cəlb edilib.
Qubada III Aqrobiznesin İnkişafı Forumu keçirilir
29 Mart 2024
Qubada Aqrar Biznes Festivalı keçirilib
28 Mart 2024
Kənd Təsərrüfatı Nazirliyinin Aparat rəhbəri Azad Cəfərli Biləsuvarda vətəndaşları qəbul edib
28 Mart 2024
Qubada 3-cü “Aqrobiznesin İnkişafı Forumu” keçiriləcək
27 Mart 2024
Aqrar Sığorta Fondu Neftçalada əkin sahələrində subasma halları ilə bağlı zərər dəyərləndirməsinə başlayıb
27 Mart 2024