2023-cü ilin sentyabr ayından başlayaraq Kənd Təsərrüfatı Nazirliyinin vəzifəli şəxsləri tərəfindən bölgələrdə vətəndaş qəbulları keçirilir.
Kənd təsərrüfatı nazirinin müavini Sarvan Cəfərov mayın 7-də Qobustan Dövlət Aqrar İnkişaf Mərkəzinin inzibati binasında Qobustan rayonundan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Qəbulda vətəndaşların müraciətləri əsasən biçin dövründə rayona əlavə dağ kombaynlarının ayrılması, gübrə və kənd təsərrüfatı texnikası ilə təminat və digər məsələlərlə bağlı olub. Nazir müavini Sarvan Cəfərov hər bir vətəndaşın müraciətini diqqətlə dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib.
Vətəndaş qəbulu başa çatdıqdan sonra nazir müavini Əkinçilik Elmi Tədqiqat İnstitutunun Qobustan Bölgə Təcrübə Stansiyasına baş çəkib, toxum seleksiyasının vəziyyəti, təcrübəyə qoyulmuş arpa və buğda sortlarının əkinləri ilə tanış olub, stansiyanın rəhbərliyi ilə nümunəvi əkinçilik və torpaq becərmə sisteminin tətbiqi, yeni və daha yüksək məhsuldarlığa malik, xəstəliyə və ziyanvericilərə davamlı dənli bitki sortlarının yetişdirilməsi istiqamətində görülən işlər barədə fikir mübadiləsi aparıb. Sarvan Cəfərov həmçinin müxtəlif təsərrüfatlarda məhsuldarlığın vəziyyəti, gəmiricilərə və alaq otlarına qarşı mübarizənin vəziyyəti ilə maraqlanıb.
“Aqroservis” ASC-nin İdarə Heyətinin sədri Elmin Rəhmanov Qazaxda vətəndaşları qəbul edəcək
18 May 2024
“Caspian Agro 2024 ”sərgisi çərçivəsində aqrar sahənin aktual mövzularına dair panel sessiyalar keçirilib
17 May 2024
"GreenAgroHack" startap müsabiqəsinin qaliblərinin mükafatlandırılması mərasimi keçirilib
17 May 2024
Azərbaycan və Belarus prezidentləri “Caspian Agro” və “InterFood Azerbaijan” sərgiləri ilə tanış olublar
17 May 2024
Kənd Təsərrüfatı Nazirliyi və Azərkosmos arasında əməkdaşlıq genişlənir
16 May 2024