Kənd Təsərrüfatı Nazirliyi tərəfindən “Paşa Holdinq”in dəstəyi ilə həyata keçirilən Aqrar Fəaliyyətli Azərbaycan Qadınları (AFAQ) layihəsi çərçivəsində dəstək tədbirləri davam edir.
Azərbaycan Dövlət Aqrar Universiteti ilə birgə əməkdaşlıq çərçivəsində magistratura dərəcəsi üzrə təhsil alan tələbələrə şəxsi bizneslərinin yaradılması üçün dəstək göstərilib.
Qadınların məşğulluq və sahibkarlıq imkanlarının artırılması, ixtisaslı kadrların yetişdirilməsi, eləcə də onların kənd təsərrüfatı sahəsində rolunun gücləndirilməsi məqsədilə 9 tələbəyə ting və şitil yetişdirmə üzrə dəstək göstərilib. Tingçilik istiqaməti üzrə 6 nəfərə ümimilikdə 3000 ədəd qızılgül, 1500 ədəd “Təbrizi”, “Bayanşirə”, “Red qlob” üzüm tingləri verilib. Şitilçilik sahəsi üzrə isə 3 nəfərə istixanada yetişdirilməsi üçün 420 ədəd xiyar şitili təqdim olunub.
Bundan başqa qeyd olunan istiqamətlər üzrə tələbələr gübrə, pestisid, herbisid və bağ avadanlıqları ilə təmin olunublar. Layihə çərçivəsində 1 il ərzində tələbələrin bu sahədə davamlı fəaliyyət göstərmələri üçün onlara təlim və biznes konsaltinq xidmətləri göstəriləcək.
Qeyd edək ki, AFAQ layihəsi kənd təsərrüfatı sahəsində fəaliyyət göstərən qadınların dəstəklənməsi, onların bilik və bacarıqlarının artırılması, maliyyə və digər resurslara çıxışlarının asanlaşdırılması məqsədi ilə icra edilir. Bu günədək 330 təsərrüfatın qiymətləndirilməsi aparılıb, tələblərə cavab verən 473 fermerə təlimlər keçirilib. Ümumilikdə 20 region üzrə 236 qadına müvafiq avadanlıqlar və aktivlərlə dəstək göstərilib.
Nazir Məcnun Məmmədov Türkiyə Böyük Millət Məclisinin üzvləri ilə görüşüb
30 Avqust 2024
Kənd Təsərrüfatı Nazirliyi və Bakı Dövlət Universiteti arasında əməkdaşlıq imkanları müzakirə olunub
30 Avqust 2024
Ağsu və Zərdabda növbəti toxum sərgi-satış yarmarkaları keçirilib
29 Avqust 2024
Kənd Təsərrüfatı Nazirliyinin əməkdaşlarına “Dövlət qulluğunda fərqlənməyə görə” medal və vəsiqələr təqdim olunub
28 Avqust 2024
Bakıda “Su İdarəetmə Sistemlərinin iqlimə Dayanıqlı Kənd Təsərrüfatında Rolu: COP29” mövzusunda konfrans keçirilib
28 Avqust 2024