Azərbaycan Dövlət Aqrar Universitetinin (ADAU) aqronomluq fakültəsinin bir qrup professor və müəllim heyəti Ağcabədi rayonunda fermerlər üçün növbəti təlim keçirib.
Ağcabədi Dövlət Aqrar İnkişaf Mərkəzində (DAİM) keçirilən təlimin məqsədi fermerlərin bilik və bacarıqlarının artırılmasına nail olmaqdır.
Təlimdə “Pambıqçılığın mövcud problemləri və həlli yolları” mövzusunda təqdimat keçirilib. Təsərrüfat sahiblərinə bu sahədə rast gəlinən çətinliklər və onların həll yolları barədə ətraflı məlumat verilib. Həmçinin, torpağın gübrələnməsinin əhəmiyyəti və bol məhsul əldə etmək üçün mineral gübrələrdən istifadənin zəruruliyi fermerlərin diqqətinə çatdırılıb. Bundan başqa, fermerlərə toxumun etibarlı yerdən alınması və onun keyfiyyətinə əmin olduqdan sonra səpinin aparılması tövsiyə olunub.
Təlimdə pambıq və taxıl bitkiləri əkilən sahələrdə rast gəlinən alaqlar və onlarla mübarizə tədbirlərinə də toxunulub. Torpağın becərilməsi, səpin müddəti, səpin üsulları, səpin dərinliyi haqqında təsərrüfat sahiblərinə məlumat verilib. O cümlədən, təlimdə dənli taxıl bitkilərinin və pambığın xəstəlik və zərərvericiləri, onlara qarşı aparılan inteqrir mübarizə üsulları, pestisid seçimi və tətbiqi ilə bağlı məsələlərdən də bəhs olunub.
İştirakçılar növbəti təlimin əkin sahələrində təşkil edilməsini təklif ediblər. Təlim qarşılıqlı fikir mübadiləsi şəraitində davam edib, fermerləri maraqlandıran suallar cavablandırılıb.
Aqrar Sahə İşçiləri Həmkarlar İttifaqı Respublika Komitəsi təsis edilib
29 Sentyabr 2023
Kənd Təsərrüfatı Nazirliyinin Aparat rəhbəri Azad Cəfərli Kürdəmirdə vətəndaşları qəbul edib
29 Sentyabr 2023
Kənd Təsərrüfatı Nazirliyinin vəzifəli şəxslərinin oktyabrda bölgələrdə keçirəcəyi vətəndaş qəbullarının qrafiki təsdiqlənib
29 Sentyabr 2023
Sabirabadda toxum sərgi-satış yarmarkası keçirilib
28 Sentyabr 2023
Elm, təhsil və insan resursları şöbəsinin müdiri İlham Süleymanov Şamaxıda vətəndaşları qəbul edəcək
28 Sentyabr 2023