Rektor İbrahim Cəfərov “Bitki mühafizəsi və ərzaq təhlükəsizliyi” mövzusunda mühazirə söyləyib
Azərbaycan Dövlət Aqrar Universitetində (ADAU) “Davamlı İnkişaf Hədəfləri” 1-ci Beynəlxalq Yay Məktəbi işini davam etdirir. Universitetin rektoru, AMEA-nın müxbir üzvü, professor İbrahim Cəfərov bu gün iştirakçılara “Bitki mühafizəsi və ərzaq təhlükəsizliyi” mövzusunda mühazirə söyləyib. Rektor qeyd edib ki, 2030-cu ilə qədər Davamlı İnkişaf Gündəliyinin əsas hədəflərindən biri aclığın aradan qaldırılması, ərzaq təhlükəsizliyinə və normal qidalanmaya nail olunması, davamlı kənd təsərrüfatının təşviq edilməsidir. O bildirib ki, xəstəlik və zərərvericilər bitkilərin 30-32 faizinin, saxlanma prosesində isə məhsulun 10-12 faizinin yararsız hala düşməsinə səbəb olur.
Mühazirədə kartofda fitaftoroz və xərçəng, üzümdə mildium xəstələyi, buğdanın xəstəlik törədiciləri, bütövlükdə xəstəlik və zərərvericilərin ərzaq təhlükəsizliyinə təsiri, bitki mühafizəsində müasir idarəetmə metodları barədə geniş məlumatlar verilib. Mühazirənin interaktivlik dərəcəsi yüksək olub, tələbələrin suallarına ətraflı cavab verilib.
Mühazirənin sonra tələbələr aqronomluq fakültəsinin laboratoriyaları, bitki klinikası ilə tanış olublar.
Qeyd edək ki, ADAU-da keçirilən 1-ci Beynəlxalq Yay Məktəbində Azərbaycan, Belarus, Çexiya, Çin, Gürcüstan, İran, Özbəkistan, Polşa, Qazaxıstan, Rusiya, Türkiyədən 34 tələbə iştirak edir.
Azərbaycanda aqrar sahənin aktual mövzularına dair müzakirələr və təqdimatların keçirildiyi tədbir baş tutub
21 Oktyabr 2024
Siyəzən rayonunda Aqrar Biznes Festivalı keçirilib
21 Oktyabr 2024
Nazir Məcnun Məmmədov Hacıqabulda vətəndaşları qəbul edəcək
21 Oktyabr 2024
Kənd Təsərrüfatı Nazirliyinin Aparat rəhbəri Azad Cəfərli Bərdədə vətəndaşları qəbul edib, təsərrüfatlara baş çəkib
18 Oktyabr 2024
Zeytun becərilməsi və zeytun yağının emal texnologiyaları üzrə təlim keçiriləcək
18 Oktyabr 2024