Azərbaycan Dövlət Aqrar Universitetində (ADAU) 15-ci “Karyera Sərgisi-2023” keçirilib. Tədbirin açılış mərasimində çıxış edən ADAU-nun rektor vəzifəsini icra edən Zəfər Qurbanov hər il ənənəvi olaraq keçirilən karyera sərgilərinin əhəmiyyətindən danışıb, məzun olan tələbələrə uğurlar arzu edib. O bildirib ki, sərgidə 75-dən çox təşkilat və şirkət tərəfindən 800-dən çox vakant yer təqdim olunub.
Kənd təsərrüfatı nazirinin müavini Elçin Zeynalov məzunlara uğurlar diləyərək tələbələrin ixtisasları üzrə işlə təmin olunmasına dəstək verən şirkət, idarə və müəssisələrin rəhbərlərinə təşəkkür edib.
Məzunlara gələcək həyatlarında uğurlar arzulayan Türkiyənin Gəncə şəhərindəki Baş Konsulu Rəcəp Öztop keçirilən karyera sərgisinin dövlət-özəl sektor əməkdaşlığının bariz nümunəsi olduğunu qeyd edib.
Türkiyənin Ege Universitetinin rektoru Necdet Budak çıxışında bildirib ki, aqrar sahənin inkişafında ADAU-da yüksək səviyyəli kadr hazırlığının aparılması mühüm rol oynayır.
“Agrodairy” şirkətinin icraçı direktoru Niyazi Əmirbəyov, “AzGranata” MMC-nin icraçı direktoru Yusif Ləzgiyev, “Azərsun Holdinq” MMC-nin İnsan resursları departamentinin müdiri Yaşar Savadov təqdim olunan iş yerləri barədə məlumat verib, tələbələri öz karyeralarını qurmaq üçün təqdim olunan iş imkanlarından yararlanmağa çağırıblar.
Sonda təhsili müvəffəqiyyətlə başa vuran tələbələrə sertifikatlar və hədiyyələr təqdim edilib.
Açılış mərasimindən sonra iştirakçı şirkət və müəssisələrin təmsilçiləri vakant iş yerləri barədə məzunlara və qonaqlara məlumat veriblər.
Karyera sərgisi çərçivəsində universitetin nüfuzlu məzunları ilə də görüş keçirilib. Görüş çərçivəsində ADAU Məzunlar Assossiasiyasının yaradılması və digər məsələlər müzakirə olunub.
Nazir Məcnun Məmmədov Türkiyə Böyük Millət Məclisinin üzvləri ilə görüşüb
30 Avqust 2024
Kənd Təsərrüfatı Nazirliyi və Bakı Dövlət Universiteti arasında əməkdaşlıq imkanları müzakirə olunub
30 Avqust 2024
Ağsu və Zərdabda növbəti toxum sərgi-satış yarmarkaları keçirilib
29 Avqust 2024
Kənd Təsərrüfatı Nazirliyinin əməkdaşlarına “Dövlət qulluğunda fərqlənməyə görə” medal və vəsiqələr təqdim olunub
28 Avqust 2024
Bakıda “Su İdarəetmə Sistemlərinin iqlimə Dayanıqlı Kənd Təsərrüfatında Rolu: COP29” mövzusunda konfrans keçirilib
28 Avqust 2024