Azərbaycan Dövlət Aqrar Universitetində (ADAU) respublikanın aparıcı şirkətləri ilə əlaqələrin qurulması və inkişaf etdirilməsi yolu ilə mütəxəssis hazırlığı mühüm istiqamətlərindən biridir. Son illərdə universitetin aparıcı şirkətlərlə əlaqələrinin sürətlə inkişafı dövlət-özəl sektor əməkdaşlığının formalarından biri kimi mütəxəssis hazırlığına öz töhfəsini verməkdədir.
01 fevral 2019-cu il tarixində Universitetin Aqrobiznes və idarəetmə fakültəsinin akt zalında ASC “Standard Insurance” Sığorta Şirkəti ilə əməkdaşlıq müqaviləsi imzalanıb. Müqaviləni ADAU-nun rektoru, AMEA-nın müxbir üzvü, professor İbrahim Cəfərov və ASC “Standard Insurance” Sığorta Şirkətinin idarə heyətinin sədri Anar Sadıxov imzalayıblar.
Müqavilə sığorta şirkətinin bazasında elmi-tədqiqat işlərinin aparılması, şirkətin mütəxəssislərinin “qonaq-mühazirəçi” qismində tədris prosesinə cəlb edilməsi, birgə konfrans, seminar və strartap layihələrinin həyata keçirilməsi, dövlət-özəl tərəfdaşlığı çərçivəsində büdcədənkənar gəlirlərin stimullaşdırılması və təhsil alanlarda sahibkarlıq bacarıqlarının aşılanmasının təşviqi, “ASC “Standard Insurance” Sığorta Şirkətinin yaratdığı Sığorta Agentliyi MMC ilə birgə fəaliyyətin təşkili yolu ilə tələbələrin şirkətin fəaliyyətinə cəlb edilməsi məsələlərini əhatə edir.
Tədbirdə universitetin professor-müəllim heyəti ilə yanaşı ASC “Standard Insurance” Sığorta Şirkətinin nümayəndələri, İqtisadi İslahatların Təhlili və Kommunikasiya Mərkəzinin, Azərbaycan Respublikası Sahibkarlar Təşkilatları Milli Konfederasiyasının Gəncə nümayəndəliyinin, Kənd Təsərrüfatı Nazirliyi yanında Aqrar Tədqiqatlar Mərkəzinin, Vergilər Nazirliyi 12 saylı Ərazi Vergilər Departamentinin əməkdaşları iştirak ediblər.
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024
“Aqroservis” ASC-nin İdarə Heyətinin sədri Elmin Rəhmanov İmişlidə vətəndaşları qəbul edəcək
19 Aprel 2024
Ankarada Türkiyə-Azərbaycan Kənd Təsərrüfatı İcra Komitəsinin 11-ci iclası keçirilib
19 Aprel 2024
Kənd təsərrüfatı nazirinin müavini Elçin Zeynalov Lerikdə vətəndaşları qəbul edib, təsərrüfatlara baş çəkib
18 Aprel 2024