Ölkədə aqrar sektorun inkişafına ictimai dəstəyi nümayiş etdirmək, vətəndaşların və ya fermerin aqrar sahədəki problemlərini yerində müəyyən etmək və həlli yollarını axtarmaq, gənc mütəxəssislərin ideyalarını praktiki olaraq reallaşdırmaq və cəmiyyətin diqqətini bu sahəyə yönəltmək məqsədi daşıyan, Kənd Təsərrüfatı Nazirliyinin təşəbbüsü ilə yaradılmış Aqrar İnkişaf Könüllülərinin fəaliyyətinin genişləndirilməsi məqsədilə Azərbaycan Dövlət Aqrar Universitetində (ADAU) müvafiq işlər görülməkdədir.
Bu məqsədlə universitetin rektoru, AMEA-nın müxbir üzvü, professor İbrahim Cəfərov növbəti dəfə könüllü tələbələrin bir qrupu ilə görüşüb. ADAU Aqrar İnkişaf Könüllülərinin rəhbəri Valeh Əsədov çıxış edərək yaradılmış şəraitə, o cümlədən könüllülər üçün otağın ayrılmasına, aktiv könüllülərə büdcədənkənar vəsait hesabına əlavə təqaüdün verilməsinə görə rektora təşəkkürünü bildirməklə, həyata keçirilən layihələr, fəaliyyət sahələri və istiqamətləri barədə məlumat verib.
Rektor tələbələrə fəaliyyətin daha da genişləndirilməsi üçün tövsiyə və tapşırıqlarını vermiş, aqrar sahənin inkişafı üçün çalışan könüllü cəmiyyəti formalaşdırmaqla gələcəkdə bu sahədə fəaliyyət göstərə biləcək ixtisaslaşmış kadrların yaranmasına təkan vermək, innovativ texnologiyaların və mövcud resursların səmərəli istifadəsinin təbliği ilə bu sahənin dayanıqlı inkişafına töhfə vermək kimi missiyanın həyata keçirilməsi üçün könüllü tələbələrə həmişə hərtərəfli dəstək olmağa hazır olduğunu bildirib.
Kənd Təsərrüfatı Nazirliyində pambıqçılığa həsr olunmuş iclas keçirilib
22 Aprel 2024
Azərbaycanda pomidor sahələrinin sığortası başlayıb
22 Aprel 2024
Nazir Məcnun Məmmədov Ağstafada vətəndaşları qəbul edəcək
22 Aprel 2024
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024