Yardımlı Dövlət Aqrar İnkişaf Mərkəzinin (DAİM) binasında bölgə fermerləri üçün “Taxıl əkinlərində aqrotexniki qulluq işləri: aprobasiya işlərinə hazırlıq” mövzusunda elmi-praktik seminar keçirilib.
Seminarda DAİM və Regional Aqara Elm və İnnovasiya Mərkəzinin mütəxəssisləri taxıl əkinlərində aprobasiya qaydaları və aqrotexniki qulluq işləri haqqında fermerlərə ətraflı məlumat veriblər.
Mövzu ətrafında fermerlərlə qarşılıqlı müzakirə aparılıb, onları maraqlandıran suallar cavablandırılıb.
Elmi-praktik seminar Aqrar Elm və İnnovasiya Mərkəzinin təşkilatçılığı ilə baş tutub.
Qeyd edək ki, Kənd Təsərrüfatı Nazirliyi Aqrar Elm və İnnovasiya Mərkəzi tərəfindən fermerlərə il boyu aqrar sahənin bütün istiqamətlərini əhatə edən mövsümə uyğun elmi-praktik seminar və təlimlər keçirilir.