Aqrar İnkişaf Könüllüləri Təşkilatı (AİKT) qələbə ilə başa çatan Vətən Müharibəsində həlak olan şəhidlərimizin xatirəsinə həsr olunmuş ağacəkmə aksiyasını davam etdirir. Aksiya Kənd Təsərrüfatı Nazirliyinin Birləşmiş Həmkarlar İttifaqı (BHİK) ilə əməkdaşlıq çərçivəsində keçirilir.
Aqrar İnkişaf Könüllüləri növbəti aksiya çərçivəsində Abşeron rayon ərazisində 200 şəhidin hər birinin xatirəsinə şam ağacı əkiblər. Aksiyada Kənd Təsərrüfatı Nazirliyinin rəhbər heyəti də iştirak edib. Ümumiyyətlə, aksiya çərçivəsində könüllülər indiyədək regionlarda 1875 ağac əkiblər.
Ağacəkmə kampaniyası zamanı karantin rejiminin qaydalarına ciddi əməl olunub. İştirakçılar tibbi maskalardan, tibbi əlcəklərdən istifadə ediblər, sosial məsafənin qorunması təmin edilib.
Qeyd edək ki, KTN-nin BHİK və AİKT tərəfindən ilin sonuna kimi Vətən müharibəsində həlak olan hər bir şəhidin xatirəsinin əbədiləşdirilməsi məqsədilə ölkənin bütün rayon və şəhərlərində ağacəkmə aksiyası keçiriləcək.
Ağacəkmə aksiyasının gələcəkdə işğaldan azad olunmuş ərazilərdə davam etdirilməsi nəzərdə tutulur.
Şəkidə fermerlərə səyyar xidmət göstərilməsinə başlanılıb
27 Oktyabr 2021
Orqanik gübrənin hazırlanması ilə bağlı yeni layihəyə start verilib
27 Oktyabr 2021
Nüvə texnologiyasının tətbiqi ilə pambıqçılığın inkişafını nəzərdə tutan layihənin təqdimat mərasimi keçirilib
21 Oktyabr 2021
Bakıda arıçılıq məhsullarının 21-ci Respublika Sərgi-Satış Yarmarkası fəaliyyətə başlayıb
20 Oktyabr 2021
Toxum sertifikatlaşdırılmasında yeni texnologiya tətbiq edilir
20 Oktyabr 2021