“Aqrar Tədarük və Təchizat” ASC (ATT) dövlət vəsaitinin səmərəli və qənaətlə istifadə edilməsi, keyfiyyətli məhsul istehsalı və təhlükəsiz qida təminatı, yerli məhsul istehsalçılarının dəstəklənməsi kimi prinsipləri öz fəaliyyətində əsas götürür. Çevik və şəffaf idarəetmənin yaradılması məqsədilə şirkətin əsas işi yerli fermerlər və qida istehsalçıları ilə görüşüb yaxından tanış olmaq, növbəti 2 il ərzində respublika ərazisində regional idarələr, dayaq məntəqələri, anbar,loqistika daxil olmaqla şirkətin infrastrukturunu yaxşılaşdırmaqdır.
Bu məqsədlə qurumun bir sıra rəhbər şəxsləri Şamaxı və Zaqatala Regional İdarələri ilə birgə İsmayıllı, Qəbələ, Oğuz, Şəki, Qax və Balakən dayaq məntəqələrində və anbarlarında olublar.
ASC rəhbəri Qax, Zaqatala, Balakən rayonlarının icra hakimiyyətlərinin təşkilatçılığı ilə yerli fermerlər və onların təsərrüfatları ilə yaxından tanış olub. Rayonun icra hakimiyyətinin başçısı və ATT-nin Zaqatala Regional İdarəsinin əməkdaşlarının iştirakı ilə fermer və qida istehsalçıları ilə görüş keçirilib. Görüşdə iştirak edən fermerlərə təşkilatın məqsədi, gələcək fəaliyyəti və icra olunmaqda olan layihələr barədə ətraflı məlumat verilib, onlarla müzakirələr aparılıb.
Nizamnaməyə əsasən ASC eyni zamanda fermerləri xarici ölkələrə məhsul ixrac etməyə təşviq etməli və bilavasitə məhsul ixracını təşkil etməlidir. Bu səbəbdən şirkət xaricə ixrac edilə biləcək keyfiyyətdə kənd təsərrüfatı və ərzaq məhsulu olan fermerlərə əməkdaşlıq təklif edir. Belə ki, fermerlər yaşadıqları rayon və ya şəhərlərə uyğun olaraq ATT-nin regional idarələrinə müraciət edə və ətraflı məlumat ala bilərlər.
“Şəhərdən Kəndə” layihəsi çərçivəsində Lənkəran və Astarada fermer təsərrüfatlarına dəstək göstərilib
01 May 2024
Kənd təsərrüfatı nazirinin müavini Sarvan Cəfərov Qobustanda vətəndaşları qəbul edəcək
01 May 2024
Aqrar Sığorta Fondu 2024-cü ilin ilk rübü üzrə nəticələrini açıqlayıb
30 Aprel 2024
Kənd Təsərrüfatı Nazirliyinin vəzifəli şəxslərinin mayda bölgələrdə keçirəcəyi vətəndaş qəbullarının qrafiki təsdiqlənib
30 Aprel 2024
Aqrar Xidmətlər Agentliyinin sədri Sərdar Hacıyev Beyləqanda vətəndaşları qəbul edəcək
29 Aprel 2024