Noyabrın 27-də Kənd Təsərrüfatı Nazirliyi yanında Aqrar Xidmətlər Agentliyində (AXA) rayon baytarlıq idarələrinin rəhbərləri ilə keçirilən görüş və xüsusi təhlükəli xəstəliklərə dair təlimlər yekunlaşıb.
Tədbirdə qeyd olunub ki, bu müddət ərzində təlim iştirakçılarına baytarlıq sahəsində innovativ texnologiyaların tətbiqi ilə əlaqədar yeni məlumatlar verilib, bu təlimlərin yerlərdə aparılacaq profilaktik tədbirlərin səmərəliliyinin artırılmasına öz töhfəsini verəcəyi qeyd edilib. Vurğulanıb ki, AXA-nın əsas hədəfləri, daim fermerlərin yanında olmaq, vətəndaşlara layiqincə xidmət göstərmək, xidmətlərin keyfiyyətini yüksəltmək, yeni yanaşma vərdişlərinə yiyələnmək, icra intizamını gücləndirmək, şəffaflığı və vətəndaş məmnunluğunu təmin etməkdir. Bu məqsədlə də Agentliyin rəhbərliyi tərəfindən rayon baytarlıq idarələrinə günün tələbləri səviyyəsində fəaliyyət göstərmələri, mütəmadi olaraq heyvan sahiblərinin yanında olmaları və qarşıya qoyulan hədəflərə çatmaq üçün müasir metodlardan düzgün istifadə etmələri tövsiyə edilib, görüləcək işlərlə bağlı müvafiq tapşırıqlar verilib. Bununla yanaşı tədbir çərçivəsində kadr işinin təşkili, münasibətlərin qurulması və vətəndaş məmnuniyyəti mövzusunda iştirakçılara ətraflı məlumatlar verilib.
Qeyd edək ki, keçirilən tədbirlərə noyabrın 14-dən start verilib və 64 rayon(şəhər) baytarlıq idarələrini əhatə edib.
Dekabr ayından isə baytar mütəxəssisləri üçün növbəti təlimlərə start verilməsi nəzərdə tutulur.
Nazir Məcnun Məmmədov Ağstafada vətəndaşları qəbul edib, fermerlərlə görüşüb
26 Aprel 2024
Aqrar sığorta ekspertlərinin hazırlığı üzrə təlimlər keçirilib
26 Aprel 2024
Qəbələdə növbəti Aqrar Biznes Festivalı keçirilib
25 Aprel 2024
Kənd Təsərrüfatı Nazirliyinin Aparat rəhbəri Azad Cəfərli Ağsuda vətəndaşları qəbul edib, təsərrüfatlara başa çəkib
25 Aprel 2024
“Kənddən Şəhərə” həftəsonu yarmarkaları təşkil ediləcək
25 Aprel 2024