Kənd Təsərrüfatı Nazirliyi yanında Aqrar Xidmətlər Agentliyinin (AXA) Astara rayon Bitki Mühafizəsi Mərkəzinin yerli mütəxəssisləri və təsərrüfat subyektləri tərəfindən sitrus bağlarında son həftə ərzində 161 hektar sahədə müşahidələr aparılıb, 75 hektarda karantin zərərvericilər olan sitrus ağqanadlısı, lağımlayıcı sitrus güvəsi və karantin yastıcılara rast gəlinib. Sirayətlənmiş 63 hektar sahədə kimyəvi mübarizə tədbiri həyata kecirilib və mübarizə tədbirləri davam etdirilir.
Qeyd edək ki sitrus ağqanadlısı karantin zərərvericisi respublikanın Astara və Lənkəran rayonlarında müşahidə olunur. Zərərvericilərin süfrələri həmişəyaşıl bitkilərin yarpaqlarında qışlayır. Süfrələr yazda inkişafını başa çatdırır, yetkin hala kecir və cavan yarpaqların alt səthinə tək-tək və qrup halında 60-170 ədəd yumurta qoyur. Təxminən 6-7 gündən sonra yumurtalardan süfrələr cıxır. Onlar üç dəfə qabıq dəyişir və nimfalara çevrilir. Mühit amillərindən asılı olaraq süfrələrin inkişafı 25-30 gün, nimfaların inkişafı isə 15 günə başa catırr. Bu zərərverici əsasən limon, naringi, portağal, çay, xurma, qreyfurut, dəfnə bitkilərinə ziyan vurur.
Mübarizə tədbirləri zamanı karantin tədbirlərə əməl edilməli, zərərvericilərin yayıldığı mənbədən qonşu regionlara agac tinglərinin və qələmlərin aparılması qadağan olunmalıdır. Mübarizə tədbirləri dövlət qeydiyyatına alınmış və istifadəsinə icazə verilmiş pestisidlərin biri ilə - “Bi-58 novıy”, (0.7-1,5 l/ha), avirmek (0,25 l/ha), desis (0,7 l/ha), sumi-alfa (0,5-0,6 l/ha), superkor (0,2-0,4 l/ha), karate (0,2-0,4 l/ha), komprador (1,5-3,0 l/ha) və s. aparılmalıdır.
Sitrus bağlarında hal-hazırda mübarizə tədbirləri davam etdirilir.
Kənd təsərrüfatı heyvanlarının sığortası üzrə 190 min manat sığorta ödənişi edilib
07 Iyul 2025
Operativ məlumat: Taxıl sahələrinin 74,4 faizində biçin başa çatıb
07 Iyul 2025
Operativ məlumat: Taxıl zəmilərinin 70,4 faizində biçin başa çatıb
04 Iyul 2025
Şəmkirdə növbəti “Aqrar Biznes Festivalı” və “Tərəvəz” Festivalı keçirilib
04 Iyul 2025
Aqrar Tədqiqatlar Mərkəzi və Milli Observatoriya arasında Anlaşma Memorandumu imzalanıb
03 Iyul 2025