Avstriyanın İnsburk şəhərində İnsburk Universitetinin təşkilatçılığı ilə 50 ölkədən 500-dən artıq mütəxəssisin iştirakı ilə “Beynəlxalq Dağlar Konfransı 2019” keçirilib. Konfransda dağlıq ərazilərdə torpaqdan istifadə, dağlıq zonaların iqlim dəyişkənliyinə adaptasiyası, dağlarda baş verən eroziya və digər deqradasiya hallarına qarşı müasir mühafizə üsullarının tətbiq edilməsi, dayanıqlı inkişafın təmin edilməsi istiqamətində müzakirələr aparılıb.
“Beynəlxalq Dağlar Konfransı 2019” tədbirinin əsas məqsədi dağlıq ərazilərin potensialından səmərəli istifadə etməklə ekoloji kənd təsərrüfatının inkişaf etdirilməsi, biomüxtəlifliyin qorunmasının təmin edilməsi, dağ turizminin digər turizm sektorları ilə inteqrasiyalı inkişafına nail olunmasından ibarət olub.
“Cənubi Qafqazda Biomüxtəlifliyin İnteqrasiyalı İdarə Olunması” layihəsi çərçivəsində Kənd Təsərrüfatı Nazirliyinin Torpaqdan istifadəyə nəzarət şöbəsinin müdiri Firidun Tağıyev, həmçinin Almaniya Beynəlxalq Əməkdəşlıq Təşkilatının (GİZ) məsləhətçisi Aydın İnciyev iştirak ediblər. Almaniya Beynəlxalq Əməkdaşlıq Təşkilatının (GİZ) Kənd Təsərrüfatı Nazirliyi ilə əlaqələri çərçivəsində həyata keçirilən “Otlaqların davamlı inkişafı və inteqrasiyalı idarə olunması” layihəsi üzrə Almaniya Aerokosmik Mərkəzi tərəfindən peyk şəkillərindən istifadə edilməklə Azərbaycanda otlaqların ilkin qiymətləndirmə xəritəsi tədbirdə müzakirə olunub.
Aqrar sığorta sahəsində Azərbaycan-Türkiyə əməkdaşlığı genişlənir
03 Oktyabr 2023
Elm, təhsil və insan resursları şöbəsinin müdiri İlham Süleymanov Şamaxıda vətəndaşları qəbul edib
03 Oktyabr 2023
Nazir Məcnun Məmmədov İslam Əməkdaşlığı Təşkilatının 9-cu Nazirlər Konfransında iştirak edib
03 Oktyabr 2023
Kənd təsərrüfatı nazirinin müavini Elçin Zeynalov Zaqatalada vətəndaşları qəbul edəcək
02 Oktyabr 2023
Bu gündən Bakıda arıçılıq məhsullarının 23-cü Respublika Sərgi-Satış Yarmarkası fəaliyyətə başlayır
02 Oktyabr 2023