“Azəraqrar Dövlət İstehsalat və Emal Birliyi” MMC-nin nümayəndə heyəti Birləşmiş Ərəb Əmirliklərində (BƏƏ) səfərdə olub. Mərkəzi Baytarlıq Laboratoriyasının (CVRL) dəvəti ilə baş tutan səfərin məqsədi BƏƏ-də dəvəçiliklə bağlı mövcud təcrübənin öyrənilməsi və gələcək əməkdaşlıq perspektivlərinin araşdırılması olub.
Səfər çərçivəsində nümayəndə heyətinə laboratoriyanın fəaliyyəti, dəvəçiliklə bağlı elmi-praktiki təcrübələr və həyata keçirilən layihələr haqqında məlumat verilib. Daha sonra “Azəraqrar”ın nümayəndə heyəti Dubay Dəvəçilik Xəstəxanasında dəvələrin müayinə və əməliyyat prosesləri ilə tanış olub.
“Camelicious” şirkətinə məxsus fermanı ziyarət edən nümayəndə heyətinə dəvələrin saxlanılma şəraiti, dəvə südündən həm ölkədaxili, həm də ixrac yönümlü məhsulların hazırlanması prosesləri, südlük, ətlik və yarış istiqamətli dəvə cinsləri ilə bağlı geniş məlumat verilib. Şirkət nümayəndələrinə dünyada dəvə südü məhsullarına artan tələbat və bu sahənin perspektivləri barədə təqdimat edilib.
“Azəraqrar Dövlət İstehsalat və Emal Birliyi” MMC-nin nümayəndələri də öz növbəsində şirkətin balansında olan “Qobu” Damazlıq Dəvəçilik təsərrüfatı barədə məlumat verib. Bildirilib ki, təsərrüfatda 85 ikihörgüçlü dəvə cinsləri saxlanılır. Azərbaycanda mövcud dəvəçilik ənənələrinin davam etdirilməsi və ölkəmizdə bu sahəni inkişaf etdirmək niyyəti BƏƏ şirkətinin mütəxəssislərinin diqqətinə çatdırılıb.
Sonda şirkət nümayəndələri Azərbaycanla dəvəçilik sahəsində əməkdaşlıq etməkdə maraqlı olduqlarını vurğulayıblar.
Kənd Təsərrüfatı Nazirliyində pambıqçılığa həsr olunmuş iclas keçirilib
22 Aprel 2024
Azərbaycanda pomidor sahələrinin sığortası başlayıb
22 Aprel 2024
Nazir Məcnun Məmmədov Ağstafada vətəndaşları qəbul edəcək
22 Aprel 2024
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024