Azərbaycan Dövlət Aqrar Universiteti Masaçusets Texnoloji Universiteti və Harvard Universitetinin birgə təsis etdikləri edX platformasına qoşulmaq üçün əməkdaşlıq müqaviləsi imzalayıb. Müqaviləyə əsasən 15 Mart 2021-ci il tarixindən etibarən Azərbaycan Dövlət Aqrar Universitetinin tələbələri üçün edX platformasında bir sıra ixtisaslar üzrə ödənişsiz qaydada onlayn kurslarda təhsil almaq imkanı yaranıb.
Onlayn kurslar biznes, biznesin idarəedilməsi, sahibkarlıq, kompüter bilikləri, liderlik və digər istiqamətləri əhatə edir. Kurslar dünyanın aparıcı universitetlərinin - Harvard Universiteti, DELFT Texnologiyalar Universiteti, Columbia Universiteti, Maryland Universiteti və digər ali təhsil müəssisələrinin professorları tərəfindən onlayn qaydada təqdim edilir. Kurslar 6-12 həftə davam edir. Bir neçə moduldan ibarət olan proqramlarda hər modulun sonunda qiymətləndirmə həyata keçirilir.
Müqaviləyə əsasən Azərbaycan Dövlət Aqrar Universitetinin 5000 tələbəsi müxtəlif proqramlarda iştirak edə bilər. Kursları müvəffəqiyyətlə bitirənlərə sertifikat veriləcək. İlk kurslar martın 15-dən etibarən Harvard, DELFT və Columbia Universitetlərinin təşkil etdiyi “Leadership”, “Proqramming” və “Finance” mövzuları ilə bağlı olacaq. ADAU tələbələrini dünya təhsil brendləri tərəfindən təqdim edilən ödənişsiz kurslarda fəal iştirak etməyə dəvət edir.
Əlaqələndirici şəxs: ADAU-nun Beynəlxalq əlaqələr şöbəsinin mütəxəssisi İbrahim Zakir oğlu İbrahimov (tel.: 055 579 33 15; mail: ibrahim.ird.adau@gmail.com)
Mövcud kursların və proqramların siyahısı:
https://campus.edx.org/customers/essentials-catalog
Azərbaycan və ABŞ arasında aqrar investisiya və texnologiya sahələrində əməkdaşlıq müzakirə olunub
19 Noyabr 2026
Tovuzda sahibkarlıq subyektlərinin fəaliyyəti ilə tanışlıq olub
19 Noyabr 2026
Zaqatalada Dövlət Proqramı çərçivəsində təsərrüfatlara baxış keçirilib
19 Noyabr 2026
Bakıda “Peşə Təhsili Forumu” keçirilib
19 Noyabr 2026
Xaçmazda beynəlxalq ekspertin iştirakı ilə müasir bağçılıq üzrə sahə görüşü keçirilib
19 Noyabr 2026