Aqrar Sığorta Fondunun (ASF) İdarə Heyətinin sədri Fuad Sadıqovun rəhbərlik etdiyi nümayəndə heyəti aqrar sığortanın tətbiqi ilə bağlı təcrübənin öyrənilməsi və əməkdaşlıq məsələlərinin müzakirəsi məqsədilə Türkiyəyə səfərə gedib. Səfər zamanı ASF-nin nümayəndələri İstanbul və Ankara şəhərlərində Türkiyə Kənd Təsərrüfatı və Meşəçilik Nazirliyində, Kənd Təsərrüfatı Sığortaları Sistemi (TARSİM) və təkrar sığorta şirkətlərində görüşlər keçiriblər.
Ankarada Aqrar Sığorta Fondunun sədri Fuad Sadıqovla Türkiyənin kənd təsərrüfatı nazirinin müavini Fatih Metinin görüşü keçirilib. Görüşdə iki ölkə arasında aqrar sığorta sisteminin inkişafı və genişləndirilməsi, eləcə də aqrar sığortanın digər ölkələrdə birgə tətbiq edilməsi istiqamətində müzakirələr aparılıb. Bundan başqa, Fuad Sadıqov TARSİM-in İdarə Heyətinin sədri, Türkiyə Kənd Təsərrüfatı və Meşəçilik Nazirliyinin kənd təsərrüfatı islahatları şöbəsinin rəhbəri Kərim Üstün və TARSİM-in İdarə Heyətinin üzvü və baş direktoru Serpil Günalla görüşlər keçirib.
Qeyd edək ki, Azərbaycanda dövlət dəstəyi ilə aqrar sığorta sistemi Türkiyə Kənd Təsərrüfatı və Meşəçilik Nazirliyi, TARSİM təşkilatının təcrübəsi və yaxından dəstəyi əsasında yaradılıb. Hazırda TARSİM və Aqrar Sığorta Fondu arasında əməkdaşlıq davam edir.
Səfər zamanı TARSİM-lə əməkdaşlığın genişləndirilməsi, risklərin idarə edilməsi, yeni məhsulların sığortası, İT sistemin fəaliyyəti üzrə təcrübənin öyrənilməsi və metodoloji dəstək məsələləri müzakirə edilib.
Aqrar Sığorta Fondunun nümayəndələri təkrar sığorta sahəsində əməkdaşlıqla bağlı görüşlər keçiriblər.
Aqrar sığorta sahəsində Azərbaycan-Türkiyə əməkdaşlığı genişlənir
03 Oktyabr 2023
Elm, təhsil və insan resursları şöbəsinin müdiri İlham Süleymanov Şamaxıda vətəndaşları qəbul edib
03 Oktyabr 2023
Nazir Məcnun Məmmədov İslam Əməkdaşlığı Təşkilatının 9-cu Nazirlər Konfransında iştirak edib
03 Oktyabr 2023
Kənd təsərrüfatı nazirinin müavini Elçin Zeynalov Zaqatalada vətəndaşları qəbul edəcək
02 Oktyabr 2023
Bu gündən Bakıda arıçılıq məhsullarının 23-cü Respublika Sərgi-Satış Yarmarkası fəaliyyətə başlayır
02 Oktyabr 2023