Bakıda arıçılıq məhsullarının 19-cu respublika satış-sərgi yarmarkası davam edir. Yarmarka “Arıçılıq haqqında” Azərbaycan Respublikası Qanununun 20.4-cü maddəsinə və Azərbaycan Respublikası Kənd Təsərrüfatı Nazirliyi üzrə 3 sentyabr 2018-ci il tarixli 120 nömrəli əmrə əsasən keçirilir.
Yarmarkaya respublika üzrə 371 sahibkardan 150 ton süzmə bal daxil olub, bunlardan 5 ton çərçivə halındadır. Yarmarkaya ən çox arı məhsulları Astara və Aran rayonlarından gətirilib.
Təqdim olunan bal nümunələrinin analizi nəticəsində 30 tona yaxın bal keyfiyyətsiz hesab edilərək, satışa buraxılmayıb. Keyfiyyətsiz bal nümunələri xüsusi anbara yığılaraq möhürlənib və yarmarka başa çatana kimi anbarda saxlanacaq.
Oktyabrın 28-dək davam edəcək yarmarkanın iştirakçıları üçün 15 maddədən ibarət davranış qaydaları müəyyənləşdirilib, qaydalar arıçılara izah olunub. Qaydalara əməl etməyən arıçılar yarmarkadan uzaqlaşdırılacaq. Davranış qaydalarında bərabər rəqabət şəraiti formalaşdırmaq, alıcılara və yarmarka iştirakçılarına münasibətdə etik davranmaqla bağlı maddələr öz əksini tapıb.
Dövlət Proqramının icrası çərçivəsində aqrar sahədə insan kapitalının inkişafına yönəlmiş tədbirlər davam etdirilir
01 Oktyabr 2026
Cəlilabadda aqrar sahənin inkişafı və yeni subsidiya mexanizmlərinə həsr olunmuş regional müşavirə keçirilib
30 Sentyabr 2026
Aqrar Sığorta Fondu bölgələrdə fəaliyyət göstərən mütəxəssisləri əməkdaşlığa dəvət edir
30 Sentyabr 2026
Mal-qaranın sığortalanması fermerləri gözlənilməz maliyyə itkilərindən qoruyur
30 Sentyabr 2026
Nazir Məcnun Məmmədov Şabranda vətəndaşlarla görüşüb
29 Sentyabr 2026