Heydər Əliyev Mərkəzində IX Azərbaycan-Rusiya Regionlararası Forumu keçirilib.
Forum zamanı Azərbaycan Respublikası Kənd Təsərrüfatı Nazirliyinin tabeliyində Dövlət Aqrar Ticarət Şirkəti ilə Rusiya Federasiyası Kənd Təsərrüfatı Nazirliyi nəzdindəki “Aqroeksport” şirkəti arasında gələcək əməkdaşlıqla bağlı memorandum imzalanıb.
Dövlət Aqrar Ticarət Şirkətinin direktoru Leyla Məmmədova imzalanmış memorandumu üç aydır fəaliyyət göstərən Şirkətin ilk beynəlxalq uğuru kimi qiymətləndirib:
“Dövlət Aqrar Ticarət Şirkəti ilə Rusiya Federasiyasının analoji şirkətləri arasında əməkdaşlıq iki ölkə arasındakı münasibətlərdə yeni bir mərhələ olacaq, həm ölkələrimiz arasında ticarət dövriyyəsinin artmasına öz müsbət təsirini göstərəcək, həm də qarşılıqlı əməkdaşlığın faydalarını hər iki tərəf hiss edəcək. Biz, Dövlət Aqrar Ticarət Şirkəti olaraq Rusiyanın ixtisaslaşmış mərkəzləri ilə bu istiqamətdə fəaliyyətimizi daha sıx əlaqələndirəcəyik. Rusiyanın aqrar sahədə fəaliyyət göstərən zəngin təcrübəyə malik şirkətlərinin təcrübəsindən yararlanmaq xüsusilə kiçik və orta fermer təsərrüfatı sahiblərinə faydalı olacaq”.
Rusiya şirkətləri ilə əməkdaşlığın daha bir istiqamətinin təcrübə və bilik mübadiləsinin aparılması olduğunu deyən DATŞ rəhbəri iki ölkə arasında münasibətlərin inkişafında aqrar sahənin payının gələcəkdə daha da artacağını, eyni zamanda, fyuçers kontraktlar (müqaviləyə əsaslanan istehsal) vasitəsilə Azərbaycanın keyfiyyətli və təbii kənd təsərrüfatı məhsullarının etibarlı tərəfdaş kimi Dövlət Aqrar Ticarət Şirkəti vasitəsilə Rusiya bazarlarına çıxarılacağını bildirib.
Cənubi Koreya - Azərbaycan ağıllı kənd təsərrüfatı sahəsində əməkdaşlıq çərçivəsində təqdimatlar keçirilib
23 Sentyabr 2023
Aqrar Sığorta Fondu Bakıda və bölgələrdə - Təqaüdlü Təcrübə Proqramına başlayır
22 Sentyabr 2023
Pambıqçılığa həsr olunmuş tarla seminarı keçirilib
22 Sentyabr 2023
Aqrar Sığorta Fondunun İdarə Heyətinin sədri Fuad Sadıqov İsmayıllıda vətəndaşları qəbul edəcək
21 Sentyabr 2023
Qazaxda aqrar sığorta ilə bağlı regional tədbir keçirilib
21 Sentyabr 2023