Ötən həftə Polşanın paytaxtı Varşavada “Azərbaycan Ticarət Evi” açılıb. İqtisadiyyat Nazirliyi tərəfindən yaradılmış Azərbaycan Ticarət Evi “Made in Azerbaijan” brendinin Polşa bazarında daha çox tanıdılmasına, Azərbaycan məhsullarının ixracının təşviqi və genişləndirilməsinə dəstək göstərəcək, yerli məhsullarımızın Polşada satışını təşkil edəcək, sahibkarlar arasında bu sahədə əlaqələndirməni həyata keçirəcək.
“Azərbaycan Ticarət Evi”nin fəaliyyətə başlaması ilə əlaqədar təşkil olunmuş tədbirdə iqtisadiyyat naziri Şahin Mustafayevin rəhbərlik etdiyi nümayəndə heyəti, Polşanın rəsmi şəxsləri və iş adamları iştirak ediblər. Azərbaycan Respublikası Kənd Təsərrüfatı Nazirliyinin tabeliyində Dövlət Aqrar Ticarət Şirkətinin direktoru Leyla Məmmədova da açılış mərasimində iştirak edib.
Leyla Məmmədova sərgi zamanı qonaqlara DATŞ-ın fəaliyyəti, Azərbaycanda istehsal olunmuş kənd təsərrüfatı məhsullarının ixracı istiqamətində görülən işlər, eləcə də “Kənddən Şəhərə” layihəsi barədə ətraflı məlumat verib.
Azərbaycan Ticarət Evində Azərbaycan şirkətlərinin müxtəlif növ məhsullarının sərgisi təşkil olunub. Daimi fəaliyyət göstərəcək sərgidə Dövlət Aqrar Ticarət Şirkətinin stendində, kənd təsərrüfatı məhsulları, o cümlədən qablaşdırılmış “Kənddən Şəhərə” məhsulları və s. nümayiş olunur.
Qeyd edək ki, “Kənddən Şəhərə” məhsulları kiçik və orta fermer təsərrüfatı sahiblərinin yetişdirdiyi məhsulların vahid ad altında qablaşdırılaraq satışının həyata keçirilməsindən ibarət bir layihədir.
Nazir Məcnun Məmmədov və Rusiyanın kənd təsərrüfatı naziri Oksana Lut arasında onlayn görüş keçirilib
25 Aprel 2025
Azərbaycanda pambıq sahələrinin sığortalanması prosesinə start verilir
24 Aprel 2025
Zəngilan və Cəbrayıl sakinlərinə kənd təsərrüfatı dronlarından istifadəyə dair onlayn təlimlər keçirilir
23 Aprel 2025
Kənd təsərrüfatı nazirinin müavini İlhamə Qədimova Saatlıda vətəndaşları qəbul edib, fermerlərlə görüşüb
23 Aprel 2025
Nazir Məcnun Məmmədov Türkiyədə keçirilən “Kənd Təsərrüfatı Diplomatiyası Seminarı”nda iştirak edib
22 Aprel 2025