• Ana səhifə
  • Xəbərlər
  • DÖVLƏT FİTOSANİTAR XİDMƏTİNİN ƏMƏKDAŞLARI ÖZBƏKİSTANDA RƏSMİ SƏFƏRDƏDİRLƏR
DÖVLƏT FİTOSANİTAR XİDMƏTİNİN ƏMƏKDAŞLARI ÖZBƏKİSTANDA RƏSMİ SƏFƏRDƏDİRLƏR

 

Nümayəndə heyəti bioloji laboratoriyada istifadə ediləcək müasir avadanlıqların alınması məqsədi ilə bu ölkəyə səfər edib

 

Kənd Təsərrüfatı Nazirliyi yanında Dövlət Fitosanitar Xidmətinin rəis müavini Yaqub Cəfərov, Dövlət Xidmətinin Respublika Bitki Mühafizəsi Mərkəzinin rəisi Daməd Sultanov və Dövlət Xidmətinin Abşeron Bioloji Laboratoriyasının müdiri Mehrəli Mehrəliyevdən ibarət nümayəndə heyəti Özbəkistanda rəsmi səfərdədirlər.

Nümayəndə heyəti Dövlət Xidməti tərəfindən keçirilmiş tender zamanı razılaşması əldə edilmiş habrobrokan və trixoqrammanın yetişdirilməsində istifadə edilən yeni avadanlıqların alınmasını təmin etmək məqsədi ilə bu ölkəyə səfər edib.

Səfər çərçivəsində həmçinin Azərbaycanla Özbəkistan arasında adıçəkilən həşəratların yetişdirilməsi ilə əlaqədar təcrübə mübadiləsi aparılıb. Eyni zamanda bu həşəratların istehsal prosesinin Azərbaycan Respublikasının iqlim şəraitinə uyğunlaşdırılması, onların istehsalı prosesi zamanı ortaya çıxacaq problemlərin aradan qaldırılması və avadanlıqların müasir tələblərə uyğun olaraq hazırlanması istiqamətində fikir mübadiləsi aparılıb.

Nümayəndə heyəti Özbəkistanın “Meximaş” MMC-yə məxsus zavodun rəhbərliyi ilə görüşmüş və zavodda bioloji avadanlıqların istehsal prosesini izləyib, eyni zamanda zavodda istehsal olunan avadanlıqların tətbiq olunduğu bioloji laboratoriya ilə tanış olublar.



  • A
  • A
  • A