Kənd Təsərrüfatı Nazirliyinin Heyvandarlıq Elmi-Tədqiqat İnstitutunda fermer və sahibkarlar üçün infotur təşkil olunub. İnforturun məqsədi fermer və sahibkarlara hidropon üsulu ilə yetişdirilən yaşıl yem konteynerinin nümayiş etdirilməsi, bu üsulla hazırlanmış yaşıl yemin heyvandarlıqdakı rolu və yaşıl yemin heyvanlar tərəfindən mənimsənilməsi barədə məlumatlandırmaq olub.
İnfoturda Aqrar Elm və İnnovasiya Mərkəzinin, Heyvandarlıq Elmi-Tədqiqat İnstitutunun rəhbərliyi və kollektivi, Azərbaycan Dövlət Aqrar Universitetinin tələbələri, respublikamızın müxtəlif regionlarından olan fermer və sahibkarlar iştirak ediblər.
Tədbir iştirakçılarına Heyvandarlıq Elmi-Tədqiqat İnstitutunun fəaliyyəti barədə məlumat verilib. Heyvandarlıq Elmi-Tədqiqat İnstitutunun “Yemləmə, yemlər və yem əlavələrinin analizi” laboratoriyasının kiçik elmi işçisi Zahid Tağıyev “Hidropon üsulu ilə yaşıl yemin yetişdirilməsi” mövzusunda təqdimatla çıxış edib. Hidropon üsulu ilə yaşıl yemin yetişdirilməsi texnologiyasının vacibliyi, tətbiq sahəsi və gələcək perspektivləri barədə müzakirələr aparılıb.
Daha sonra infotur iştirakçıları hidropon üsulu ilə yaşıl yem yetişdirilən konteyner-qurğuya, institutun müasir avadanlıqlarla təchiz olunmuş “Yemləmə, yemlər və yem əlavələrinin analizi” laboratoriyasına baxış keçirib, Yardımçı Təcrübə Təsərrüfatında hazırlanmış yaşıl yemin heyvanlara verilməsi prosesi ilə tanış olublar.
Daşkəsəndə kartof sahələrinə dəymiş zərərə görə fermerlərə sığorta ödənişləri edilib
19 Mart 2025
Qax rayonunda üzümçü fermerlər üçün tarla seminarı keçirilib
19 Mart 2025
Kənd Təsərrüfatı Nazirliyinin Aparat rəhbəri Azad Cəfərli Balakəndə vətəndaşları qəbul edib, təsərrüfatlara baş çəkib
18 Mart 2025
Naxçıvan Muxtar Respublikasında aqrar sığorta eksperti olmaq istəyən namizədlərə təlimlər keçirilib
18 Mart 2025
Nazir Məcnun Məmmədov Masallıda vətəndaşları qəbul edib, fermerlərlə görüşüb
17 Mart 2025