Aqrar Elm və İnnovasiya Mərkəzinin Heyvandarlıq Elmi-Tədqiqat İnstitutu ilə Fransa Respublikasının “Auriva Elevage” kooperativi arasında kadr hazırlığı və birgə tədqiqatların aparılması sahələrində əməkdaşlıqla bağlı anlaşma memorandumu imzalanıb. Memorandumu institutun direktoru Mahir Hacıyev və kooperativin icraçı meneceri Cyril Josse imzalayıblar.
Sənədə əsasən, Heyvandarlıq Elmi-Tədqiqat İnstitutunun əməkdaşları Fransanın heyvandarlıq potensialı, otlaqlardan və məhsuldar yem bitkilərindən səmərəli istifadə sahəsində təcrübələrini öyrənəcək və ölkəmizdə tətbiqi imkanlarını araşdıracaq. Bundan başqa, Azərbaycanda keçiçiliyin inkişafı üçün Fransadan məhsuldar cinslərin idxalı imkanları tədqiq ediləcək, Azərbaycanın dağlıq, aşağı dağlıq və düzən ərazilərində yüksək məhsuldar cinslərin adaptasiyası öyrəniləcək, eyni zamanda prioritet sahələrdə milli və regional layihələrin həyata keçirilməsi təmin olunacaq.
Həmçinin, memorandumda institut ilə kooperativ arasında heyvandarlıq məhsullarının ilkin və son emalı sahəsində birgə tədqiqatların nəticələrinin nəşr olunması, nailiyyətlərin nümayişi, elmi məqsədlə qarşılıqlı səfərlərin təşkili nəzərdə tutulub.
“Bu əməkdaşlıq bizə heyvandarlıqda yerli hibridlərin yaradılması üzrə davamlı əməkdaşlığın qurulmasına, Azərbaycanda embrion köçürmə texnologiyasının tətbiqinə və bu sahədə ixtisaslı kadrların hazırlanmasına imkan verəcək. Gələcək fəaliyyət planlarımıza fermerlər üçün seroloji, molekulyar diaqnostika və heyvan xəstəliklərinin (viruslar, bakteriyalar və s.) tanıdılması sahəsində metodik yardım və təlimlərin göstərilməsi də daxildir. İlkin elmi yeniliklərin və tədqiqatların innovasiya yönümlü metodlarını bölüşmək, bu cür tədqiqatların və yeniliklərin təhsil planlarına daxil edilməsinə də təşəbbüs göstərəcəyik”, - deyə Mahir Hacıyev vurğulayıb.
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024