Azərbaycan Respublikası Prezidenti İlham Əliyevin “Toxumçuluğun inkişaf etdirilməsi ilə bağlı tədbirlər haqqında” sərəncamının icrasını həyata keçirmək məqsədilə Kənd Təsərrüfatını Nazirliyinin maliyyə dəstəyi ilə Şəki, Xaçmaz, Qobustan, Ağcəbədi və Tovuz rayonlarında toxum emalı müəssisələrinin tikintisi nəzərdə tutulub.
Artıq Ağcabədi rayonunda toxum emalı fabrikinin tikintisinə başlayıb, Xaçmaz rayonunda isə fabrikin tikintisində son tamamlanma işləri aparılır. Şəki Toxum Emalı Fabrikinin tikintisi isə tam şəkildə bitərək, cari məhsul mövsümündə dənli bitkilərin qəbulu üçün tam hazır vəziyyətə gətirilib. Fabrikdə xaricdə istehsal olunan və texnologiyanın son nailiyyətləri ilə təchiz olmuş avadanlıqlar quraşdırılıb. Burada fermerlərin istehsal etdikləri məhsulların yüksək keyfiyyətlə təmizlənməsi, dərmanlanması və qablaşdırılması həyata keçiriləcək.
Bununla əlaqədar istismara hazır olan Şəki toxum emalı fabrikində Dövlət Toxum Fondunun əməkdaşlarının və tikinti quraşdırma üzrə mütəxəssislərin iştirakı ilə ilkin sınaq testləri keçirilib. İstismara hazır olan fabrikin istehsal gücü saatda 5 tondur ki, bu da Şəki şəhərində və ətraf rayonlarda fəaliyyət göstərən fermerlərin istehsal etdikləri məhsulların təmizlənməsini tam təmin edəcəkdir. Bundan əlavə, fabrikdə 300 ton həcmində qapalı anbar və 1500 ton həcmində silo qurğuları quraşdırılıb. Bu anbar və qurğular regionda saxlanc şəraiti olmayan sahibkarların öz istehsal etdikləri məhsulları təhlükəsiz və keyfiyyətli saxlamasına imkan yaradır.
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024