Kənd Təsərrüfatı Nazirliyində yaradılmış təlimçi qrupları tərəfindən ötən həftə ərzində “Kənd təsərrüfatı məhsulları istehsalının subsidiyalaşdırılması Qaydası”nın tətbiqi və Elektron Kənd Təsərrüfatı İnformasiya Sistemində (EKTİS) qeydiyyatla bağlı Gəncə, İmişli, Biləsuvar, Sabirabad, Hacıqabul, Kürdəmir, Şamaxı və Tovuz rayonlarında 1551 nəfərə 59 təlim keçirilib.

16 sentyabr – 04 oktyabr 2019-cu il tarixlərində təlimçi qrupları tərəfindən keçirilın 155 təlimdə 4155 nəfər iştirak edib. Təlimlərdə fermerlərlə barabər icra və bələdiyyə nümayəndələri, Nazirliyin regionlardakı tabeli qurumlarının əməkdaşları iştirak ediblər.

Ümumilikdə mövzu üzrə 1639 təlimdə 26273 nəfər iştirak edib.

Yeni subsidiya mexanizmi ilə bağlı fermerlərin məlumatlandırılması məqsədilə təşkil olunan təlimlər davam etdirilir.