2-5 aprel 2019-cu il tarixlərində Özbəkistanın paytaxtı Daşkənd şəhərində Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) tərəfindən “Mərkəzi Asiyada kənd təsərrüfatı üzrə informasiya-məsləhət xidmətləri sahəsində potensialın gücləndirilməsi” regional layihəsi çərçivəsində ilk təlim-seminar keçirilib.
Azərbaycan, Qırğızıstan, Tacikistan və Özbəkistanda həyata keçirilən regional layihənin məqsədi hədəf ölkələrdə informasiya məsləhət xidmətinin gücləndirilməsinə nail olmaqdır.
Seminarda iştirakçı ölkələrin nümayəndələri, beynəlxalq məsləhətçilər də daxil olmaqla ümumilikdə 21 nəfər təmsil olunub. Tədbirdə Kənd Təsərrüfatı Nazirliyinin Təhsil və Təlim şöbəsinin sektor müdiri Fidan Fətəliyeva və Aqrar Elm və İnnovasiya Mərkəzinin baş mütəxəssisi Yaqub Quliyev iştirak edib.
Seminarda kənd təsərrüfatı biliklərinin yayım sisteminin qiymətləndirilməsi mexanizmi, koordinasiyası, fermerlərlə yayım işçiləri arasında qarşılıqlı əlaqə, bitki klinikalarının yaradılması təcrübəsi ətrafında təqdimatlar edilib, müzakirələr aparılıb və praktik məşğələlər təşkil olunub.
İştirakçı ölkələrin hər birində informasiya-məsləhət xidməti sisteminin qiymətləndirilməsi və hesabatın tərtib olunması üçün icmal plan hazırlanıb. İnformasiya-məsləhət xidməti üzrə strategiyanın hazırlanması ətrafında geniş müzakirələr aparılıb. Nəticədə hər bir ölkənin qanunvericiliyi, kənd təsərrüfatının təşkilatı strukturu nəzərə alınmaqla milli kənd təsərrüfatı informasiya-məsləhət xidməti üzrə strategiyanın hazırlanması üçün konkret vaxt müəyyən edilib.
Seminar çərçivəsində Daşkənd Aqrar Universitetinin təcrübə bazasında tətbiq edilən innovativ texnologiyalara və intensiv bağçılıq üzrə bir fermer təsərrüfatına baxış həyata keçirilib.


Azərbaycan və ABŞ arasında aqrar investisiya və texnologiya sahələrində əməkdaşlıq müzakirə olunub
19 Noyabr 2026
Tovuzda sahibkarlıq subyektlərinin fəaliyyəti ilə tanışlıq olub
19 Noyabr 2026
Zaqatalada Dövlət Proqramı çərçivəsində təsərrüfatlara baxış keçirilib
19 Noyabr 2026
Bakıda “Peşə Təhsili Forumu” keçirilib
19 Noyabr 2026
Xaçmazda beynəlxalq ekspertin iştirakı ilə müasir bağçılıq üzrə sahə görüşü keçirilib
19 Noyabr 2026