Kənd Təsərrüfatı Nazirliyinin tabeliyində olan qurumlarının mühasiblərinə Azərbaycan Mühasiblər və Risk Peşəkarları Assosiasiyası tərəfindən (ARPA) təlim keçilib.
Təlimdə Kənd Təsərrüfatı Nazirliyinin tabeliyində olan qurumların 50 mühasibi iştirak edib.
Mühasiblərə satınalmalar, kotirovka sorğularının tərtibatı, tenderlərdə iştirak və büdcədənkənar vəsaitlərin idarə edilməsi mövzuları ilə bağlı məlumat verilib.
Təlimdə büdcədənkənar fondların mahiyyəti və formalaşdırılması, bu sahədə qanunvericilik bazası, satınalmalar üzrə təlimatlar, tenderlərin keçirilməsi və bu prosesdə iştirak qaydaları ilə bağlı müzakirələr aparılıb.
Qeyd edək ki, təlim Kənd Təsərrüfatı Nazirliyinin Təhsil və təlim şöbəsinin təşkilatçılığı ilə baş tutub.