Kümçülər Qax damazlıq ipəkçilik stansiyasında təlimlərə...

Kümçülər Qax damazlıq ipəkçilik stansiyasında təlimlərə cəlb olunublar

Kənd Təsərrüfatı Nazirliyinin Qax Damazlıq İpəkçilik Stansiyasında kümçülərə təlim keçirilib. Təlimə Qax, Şəki, Zaqatala, Balakən və Ağdam rayonlarından gəlmiş kümçülər cəlb olunub. “Tut ipəkqurdunun aqrotexniki qaydalara uyğun bəslənilməsinin təşkili” mövzusunda təlimləri ADAU və Heyvandarlıq Elmi-Tədqiqat İnstitutunun əməkdaşları keçiblər. Kümçülərə ipəkqurdunun saxlanılma və yemlənmə şəraiti, bəslənilməsi, zərərvericilər və xəstəliklərə qarşı mübarizə tədbirləri barədə məlumat verilib. Təqdimatlardan sonra mövzular ətrafında fikir mübadiləsi aparılıb.