Kənd Təsərrüfatı Nazirliyi yanında Bitki Sortlarının Qeydiyyatı və Toxum Nəzarəti üzrə Dövlət Xidmətinə 2019-cu ildə sınağa təqdim olunmuş bitki sort/hibridlərinin metodikaya uyğun olaraq sınağı həyata kecirilir.
Bununla əlaqədar mütəxəssislərin iştirakı ilə tərəvəz bitkiləri üzrə sınaqda olan sort/hibridlərin şitillərinin açıq sahəyə köçürülməsi yekunlaşıb.
Cari ildə tərəvəz bitkiləri üzrə pomidorun 25, xiyarın 10, bibərin 2, badımcanın 2, lobyanın 2, sarımsağın 3, kələmin 4 sort/hibridinin əkin materialı Lənkəran Dövlət Sort Sınaq Məntəqəsinə (DSSM) təqdim olunub və hal-hazırda sınaq işləri aparılır.
DSSM-də sınağa təqdim olunmuş sort/hibridlərin sınaq sahəsində aqrotexniki tədbirlər iş planına uyğun olaraq vaxtında yerinə yetirilir və fenoloji müşahidələr aparılır. Aparılan sort-sınaq işlərinin nəticələrindən asılı olaraq yüksək göstəricilərə malik olan sort/hibridlər secilərək “Azərbaycan Respublikası ərazisində kənd təsərrüfatı məhsulları istehsalı üçün istifadəsinə icazə verilmiş və mühafizə olunan seleksiya nailiyyətlərinin Dövlət Reysteri”ndə qeydiyyata alınacaqdır.