Müşahidə aparılan 180 hektar sahənin 38 hektarında sirayətlənmə müəyyən edilib
Lənkəran rayonu ərazisində kiçik tut odlucasına qarşı 180 hektar sahədə müşahidə aparılıb və nəticədə 38 hektar sahədə sirayətlənmə müəyyən edilib. Artıq 8 hektar sahədə təsərrüfat subyektləri tərəfindən mübarizə aparılıb. Bunlardan Lənkəran rayon İstisu qəsəbəsindəki tut bağında 2 hektar sahədə, Ələt-Astara magistralının Lənkəran şəhərindən keçən hissəsində yerləşən tut bağında isə 6 hektar sahədə mübarizə davam etdirilir.
Qeyd edək ki, kiçik tut odlucasının kəpənəkləri 20-23 mm olub, qızılı sarı rəngdədir. Kəpənəklərin pupdan uçması və cütləşməsi gecə saatlarında əsasən baş verir. Pupdan çıxdıqdan bir gün sonra kəpənəklər cütləşir və yumurta qoymağa başlayır. Qidalanmasından asılı olaraq kəpənəklərin ömrünün uzunluğu 3-20 gün, dişi fərdlərin məhsuldarlığı isə 40-200 yumurta/fərd təşkil edir. Yumurtadan təzə çıxmış tırtıllar ilk günlər tut yarpaqlarının alt tərəfində damarlar yaxınlığında qidalanırlar. Temperatur şəraitindən asılı olaraq kiçik tut odlucası qışlamanı tırtıl mərhələsində torpaqda, ağac çatlarında, qabıq altında keçirir. Avqust-sentyabr aylarında 3 və 4-cü nəsil odlucalar bitkilərə daha çox ziyan vurur. Bir bitki üzərində iki nəslin ard-arda inkişafı onun yarpaqlarının 70-80% yeyilməsinə səbəb olur və ağacın quruması təhlükəsi yaranır.
Kiçik tut odlucasına qarşı aqrotexniki və kimyəvi üsullarla mübarizə aparılır. Payızda çəkil və tut ağacların ətrafında tökülmüş yarpaqları toplayıb yandırmaq qış ehtiyatının əhəmiyyətli dərəcədə azalmasına səbəb olur. Yazda və odlucanın hər nəslinin kütləvi puplaşması dövründə ağacların gövdə ətrafının 15-20 sm dərinliyində belənməsi və qurumuş budaqların kəsib yandırılması yaxşı nəticə verər.
Quba şəhərində “Kod: Könüllü” layihəsi baş tutub
28 Aprel 2025
Danimarka İxrac və İnvestisiya Fondu ilə Azərbaycan arasında aqrar sahədə əməkdaşlıq məsələləri müzakirə olunub
28 Aprel 2025
Aqrar Tədqiqatlar Mərkəzində Doktorantura Proqramı ilə bağlı təqdimat keçirilib
25 Aprel 2025
Nazir müavini Elçin Zeynalov Naxçıvan Kənd Təsərrüfatı Laboratoriyaları Mərkəzinin, elmi-tədqiqat institutlarının fəaliyyəti ilə tanış olub
25 Aprel 2025
Elm, təhsil və insan resursları şöbəsinin müdiri İlham Süleymanov Bərdədə vətəndaşları qəbul edib, təsərrüfatlara baş çəkib
25 Aprel 2025