Azərbaycan kəndində ilk dəfə olaraq, qadınlar kafe işlədəcəklər. Bu addımı Lənkəranın Seperadi kəndində yaradılmış “Əvəsor” Qadın İnkişaf Qrupu atıb. Dünya Bankının Cənubi Qafqaz üzrə regional direktoru Mersi Tembon kafenin ilk müştərilərindən olub.
“Əvəsor Şirniyyat Evi”nin nəzdində olan “Ana və Uşaq” kafesi 136 kv metr sahəni əhatə edir. Kənd qadınlarının yeni biznes obyektinin açılışında iştirak edən Aqrar kredit və İnkişaf Agentliyinin sədri Mirzə Əliyev bildirib ki, qadınların məşğulluğunu artırmaqla yanaşı, bu biznes həm də kənd qadınlarının asudə vaxtlarını keçirmələri üçün maraqlı bir məkanın əsasını qoyub.
Qadın İnkişaf Qrupları 2018-ci ilin martından yaradılmağa başlayıb. Qadınların iqtisadi səlahiyyətləndirilməsi üzrə bu innovativ modeli Kənd Təsərrüfatı Nazirliyi yanında Aqrar Kredit və İnkişaf Agentliyi Dünya Bankı ilə tərəfdaşlıqlahəyata keçirilir. İndiyədək 361 qadını özündə birləşdirən 30 Qadın İnkişaf Qrupu yaradılıb.
Kənd yerlərində məşğulluğun artırılması məqsədi ilə başladıqları ilk addımlarda qadınlar şirniyyat evi, təndir, xalça toxuma sexi, inkubator kimi bizneslərə maraq göstərsələr də, onlar qarşılarına aqrobiznes ilə bağlı məsuliyyətli hədəflər qoyub, pambıqçılıq, baramaçılıq, üzümçülük, bağçılıq, eləcə də quşçuluq və heyvandarlıq kimi aqrobiznes sahələrində də özlərini sınayıblar. Fəaliyyətə başlamış olan 30 qadın qrupundan 17-si artıq özlərinin aqrobizneslərinə başlayıblar.
Qadın İnkişaf Qrupları 2018-ci ilin noyabrında özlərinin zirvə təşkilatı olaraq Azərbaycan Kənd Qadınları Assosiasiyasını yaradıb, Ədliyyə Nazirliyində dövlət qeydiyyatından keçiriblər.
Azərbaycan və ABŞ arasında aqrar investisiya və texnologiya sahələrində əməkdaşlıq müzakirə olunub
19 Noyabr 2026
Tovuzda sahibkarlıq subyektlərinin fəaliyyəti ilə tanışlıq olub
19 Noyabr 2026
Zaqatalada Dövlət Proqramı çərçivəsində təsərrüfatlara baxış keçirilib
19 Noyabr 2026
Bakıda “Peşə Təhsili Forumu” keçirilib
19 Noyabr 2026
Xaçmazda beynəlxalq ekspertin iştirakı ilə müasir bağçılıq üzrə sahə görüşü keçirilib
19 Noyabr 2026