Ölkədə tütünçülüyün inkişafı ilə bağlı 2020-ci ilin hədəflərinin müəyyən etmək, mövcud çətinliklər və onların həlli məqsədilə Oğuz və Qax rayonlarının Dövlət Aqrar İnkişaf Mərkəzlərində (DAİM) Kənd Təsərrüfatı nazirinin müşaviri Şöhrət Vəkilov və Nazirliyin Bitkiçiliyin təşkili və monitorinqi şöbəsinin müdiri Rafail Quliyevin rəhbərliyi ilə “Tütün istehsalının mövcud vəziyyəti və qarşıda duran vəzifələr” mövzusunda iclas keçirilib. Tədbirdə Kənd Təsərrüfatı Nazirliyinin rəsmiləri, İqtisadiyyat Nazirliyinin, Meliorasiya və Su Təsərrüfatı ASC-nin, yerli icra hakimiyyəti orqanlarının və digər aidiyyəti qurumların nümayəndələri, tütün istehsalçıları iştirak edib.
Toplantıda Şöhrət Vəkilov və Rafail Quliyev çıxış edərək “Azərbaycan Respublikasında tütünçülüyün inkişafına dair 2017-2021-ci illər üçün Dövlət Proqramı”nın icrası ilə bağlı Oğuz və Qax rayonlarında tütün istehsalının artırılması üçün mövcud imkanlarından səmərəli istifadən, toxum, texnika, mineral gübrələrlə təminat, tütünün tədarükü, satışı və emalı ilə bağlı görülən tədbirlər barədə məlumat veriblər. Bildirilib ki, tütün istehsalının artırılması üçün yerli istehsalçılar və aidiyyəti qurumların nümayəndələrinin təklifləri mühüm əhəmiyyət kəsb edir.
Tədbirdə Oğuz və Qax rayonlarının tütün qəbulu və emalı müəssisələrinin şəbəkəsinin genişləndirilməsi, tütünçülük təsərrüfatlarının ixtisaslaşdırılmış texnikalarla təmin edilməsi, emal müəssisələri ilə mülkiyyətçilər arasında müqavilə şərtləri və digər məsələlər müzakirə edilib. Tütün toxumçuluğunun təşkili üçün müvafiq elmi müəssisələrin fəaliyyətinin gücləndirilməsi, bu sahə üzrə kadrların hazırlanması, innovativ becərmə texnologiyalarının tətbiqinin nümayiş etdirilməsi, suvarma suyu ilə təminatın yaxşılaşdırılması və digər məsələlərlə bağlı təklif və tövsiyələr dinlənilib, aidiyyəti tabeli qurumlara bu tədbirlərin yerinə yetirilməsi ilə bağlı müvafiq tapşırıqlar verilib.
Quba şəhərində “Kod: Könüllü” layihəsi baş tutub
28 Aprel 2025
Danimarka İxrac və İnvestisiya Fondu ilə Azərbaycan arasında aqrar sahədə əməkdaşlıq məsələləri müzakirə olunub
28 Aprel 2025
Aqrar Tədqiqatlar Mərkəzində Doktorantura Proqramı ilə bağlı təqdimat keçirilib
25 Aprel 2025
Nazir müavini Elçin Zeynalov Naxçıvan Kənd Təsərrüfatı Laboratoriyaları Mərkəzinin, elmi-tədqiqat institutlarının fəaliyyəti ilə tanış olub
25 Aprel 2025
Elm, təhsil və insan resursları şöbəsinin müdiri İlham Süleymanov Bərdədə vətəndaşları qəbul edib, təsərrüfatlara baş çəkib
25 Aprel 2025