Hazırda aqrar sektorda fəaliyyət xüsusi karantin rejiminin tələblərinə uyğun davam etdirilir. Yaz-tarla işlərinin gedişatı ilə bağlı mövcud vəziyyəti dəyərləndirmək və carı tapşırıqların icrası məqsədilə Kənd Təsərrüfatı Nazirliyinin aidiyyəti şöbələri tərəfindən mütəmadi videokonfranslar keçirilir.
Nazirliyin Bitkiçiliyin təşkili və monitorinqi şöbəsinin müdiri Rafail Quliyevin rəhbərliyi ilə “Respublikada çəltik əkinlərinin vəziyyəti və qarşıda duran tədbirlər” mövzusunda videokonfrans keçirilib. Astara, Lənkəran, Masallı, Biləsuvar, Salyan, İmişli, Yevlax, Ağdaş, Ucar, Zərdab, Ağsu, Göyçay, Samux rayonlarının Dövlət Aqrar İnkişaf Mərkəzlərinin rəhbərləri, Aqrar Elm və İnnovasiya Mərkəzinin mütəxəssislərinin iştirakı ilə keçirilən tədbirdə çəltik əkinləri ilə bağlı müzakirələr aparılıb, mövsümi aqrotexniki tədbirlərin görülməsilə əlaqədar müvafiq məsləhətlər verilib.
Videokonfransda “Azərbaycan Respublikasında çəltikçiliyin inkişafına dair 2018-2025-ci illər üçün Dövlət Proqramı”nda bu il üçün nəzərdə tutulan tədbirlərin icrası müzakirə edilib. Videokonfransda çəltik əkinlərinin genişləndirilməsi məqsədilə əkin sahələrinin düzgün seçilməsi, aqrotexniki qulluq işlərinin vaxtında yerinə yetirilməsi, toxum, texnika, mineral gübrə və pestisidlərlə təchizat səviyyəsi təhlil edilib, istehsal vasitələrinə olan tələbatın ödənilməsi istiqamətində təkliflər dinlənilib.
Kənd təsərrüfatının ənənəvi sahələrindən olan çəltikçiliyin inkişaf etdirilməsi üçün yerli imkanlardan səmərəli istifadə edilməsi, yeni çəltik sortlarının genefondunun yaradılması, yerli şəraitə uyğun formalarının seçilməsi və onların toxumçuluq sisteminin yaradılması istiqamətində tədqiqat işlərinin başlanmasının vacibliyi qeyd edilib. Müzakirələr zamanı çəltik istehsalçılarına mikrokreditlərin ayrılmasında üstünlüklərin verilməsi, aran bölgəsində çəltik emalı müəssisələrinin yaradılması, mini çəltikyığan texnikaların lizinq yolu ilə gətirilməsi və satılmasına dair təkliflər səsləndirilib.
Həmçinin, videokonfransda digər yazlıq bitkilərin becərilməsi sahəsində cari vəziyyət də müzakirə edilib.
Nazir Məcnun Məmmədov Tovuzda vətəndaşları qəbul edib, fermerlərlə görüşüb
18 Aprel 2025
Aqrar sığorta eksperti olmaq istəyənlər üçün Bakıda və Naxçıvanda imtahanlar keçirilib
17 Aprel 2025
BDU-da “Dəqiq kənd təsərrüfatında süni intellektin tətbiqi” layihəsi ilə bağlı vorkşop keçirilib
17 Aprel 2025
Aqrar Tədqiqatlar Mərkəzinin direktoru Beynəlxalq Elm Həftəsində iştirak edib
15 Aprel 2025
“Dəqiq kənd təsərrüfatında süni intellektin tətbiqi” layihəsinə start verilib
15 Aprel 2025