Respublikada tütün yığımı davam edir. Bu günədək fermerlər tərəfindən 4545 ton tütün yığılıb, tədarük məntəqələrinə 3648 ton quru tütün təhvil verilib. Bu il Azərbaycanın 14 rayonunda və Naxçıvan Muxtar Respublikasında 3134 hektar sahədə tütün əkini həyata keçirilib. Hazırda sahələrdə yığım davam edir.

Ölkə üzrə şəkər şuğundurunun yığımı da davam edir. Fermerlər tərəfindən qəbul məntəqələrinə 100,7 min ton məhsul təhvil verilib. 2019-cu ildə Azərbaycanın 25 rayonunda ümumilikdə 7345 hektar sahədə şəkər çuğunduru becərilib. Bunlardan 5693 hektarı sadə suvarmalı, 1652 hektarı isə Pivot suvarma sistemi altında olan sahələrdir. Bu il şəkər çuğunduru ən çox İmişli (917 ha), Ağcabədi (848 ha), Tərtər (670 ha), Tovuz (668 ha), Beyləqan (557 ha) və Füzuli (553 ha) rayonları  ərazisində əkilib.