Aqrar Elm və İnnovasiya Mərkəzinin Üzümçülük və Şərabçılıq Elmi-Tədqiqat İnstitutunun əməkdaşları tərəfindən regionlarda yaşayan fermerlərin maarifləndirilməsi ilə bağlı tədbirlər davam etdirilir. İnstitutun Gəncə Üzümçülük və Şərabçılıq Təcrübə Stansiyasının təşəbbüsü ilə Samux rayonunda fermerlər üçün sahə nümayişi keçirilib.

“Üzüm bağlarında payız-qış mövsümündə aparılan işlərin ardıcıllığı, üzümaltı torpaqların becərilmə qaydaları, quru budama” mövzusunda sahə təlimi keçirilib. Təlimdə stansiyasının direktoru Mehman İsmayılov və “Üzümun emalı” laboratoriyasının müdiri Əsgər Əliyev fermerlərə üzüm bağlarında aqrotexniki qulluq işlərini əyani nümayiş etdiriblər.

Açıq tarla şəraitində aqrotexniki qulluq işləri, cərgəarası əkinlər, məhsul yığımından sonra bağlarda suvarılmanın vaxtında aparılması və üzümlükdə məhsulun artırılması məqsədilə quru budamanın üstünlükləri barədə fermerlərlərə  məlumat verilib və onların sualları ətraflı cavablandırılıb.