2020-ci ilin sentyabr ayından başlayaraq Aqrar Xidmətlər Agentliyinin yerli qurumları tərəfindən respublikanın taxıl əkini sahələrində xüsusi təhlükəli, karantin tətbiq edilən və digər tənzimlənən zərərvericilərlə bağlı fitosanitar müşahidələr və mübarizə tədbirləri davam etdirilir.
Siçanabənzər gəmiricilərə bağlı respublikanın əsasən şimal və şimal-qərb rayonlarının (Quba, Qusar, İsmayıllı, Şəmkir, Tovuz və d.) ərazilərində ümumilikdə 48.1 min hektar sahədə müşahidələr aparılıb, 14.8 min hektar sahədə sirayətlənmə aşkarlanıb və 5.1 min hektar sahədə mübarizə işləri aparılıb ki, bunun da 4.3 min hektarında tədbirlər büdcə vəsaiti hesabına həyata keçirilib. Siçanabənzər gəmiricilərlə ən çox sirayətlənmə Ceyrançöl ərazisində aparılan əkinlərdə müşahidə edilib.
Dənli bitkilərdə taxıl böcəyinə qarşı 1,0 min hektar sahədə müşahidələr aparılıb, 0.52 min ha sahədə sirayətlənmə aşkarlanıb, Agentliyin mütəxəssislərinin tövsiyyəsi və birbaşa iştirakı ilə 0.2 min ha sahədə təsərrüfat subyektləri hesabına mübarizə tədbrləri həyata keçirilib. Mübarizə tədbirləri əsasən Şəki, Qax və Ağsu rayonlarının ərazisində aparılıb.
Respublikanın taxıl əkini sahələrində fitosanitar sabitliyin qorunması məqsədi ilə hazırda Agentliyin yerli qurumları tərəfindən fitosanitar müşahidə və müvafiq mübarizə tədbirləri davam etdirilir.
Azərbaycan və ABŞ arasında aqrar investisiya və texnologiya sahələrində əməkdaşlıq müzakirə olunub
19 Noyabr 2026
Tovuzda sahibkarlıq subyektlərinin fəaliyyəti ilə tanışlıq olub
19 Noyabr 2026
Zaqatalada Dövlət Proqramı çərçivəsində təsərrüfatlara baxış keçirilib
19 Noyabr 2026
Bakıda “Peşə Təhsili Forumu” keçirilib
19 Noyabr 2026
Xaçmazda beynəlxalq ekspertin iştirakı ilə müasir bağçılıq üzrə sahə görüşü keçirilib
19 Noyabr 2026