Kənd Təsərrüfatı Nazirliyində Türkiyənin Ege Universitetinin və Agrobest Grup A.Ş tərəfindən “Azərbaycanda inteqrə olunmuş innovativ pambıq becərilməsi” layihəsinin təqdimatı olub.
Təqdimatdan əvvəl Ege Universitetinin professoru Mehmet Demirçi və Agrobest Grup A.Ş şirkətinin rəhbəri Faruk Eroğlu və nazir müavini İlham Quliyevlə təqdim olunan layihənin əhəmiyyəti və fəaliyyət istiqamətləri barədə müzakirələr aparılıb.
Bitkiçiliyin təşkili və monitorinqi şöbəsinin müdiri Rafail Quliyevin rəhbərliyi ilə keçirilən layihənin təqdimatında Ege Universitetinin professoru Mehmet Demirçi layihənin məqsədi, nəzərdə tutulan fəaliyyət istiqamətləri, xəstəlik və zərərvericilərə qarşı tətbiq ediləcək yeni pestisidlərin, pambıq bitkilərinin su qıtlığına dayanıqlığının artırılması məqsədilə tətbiq ediləcək bioloji preparatların, orqanik pambıq istehsalının xüsusiyyətləri barədə izahat verib.
Layihə rəhbəri təcrübələrin “MKT İK” MMC, “Azərpambıq ASK” MMC, “P-Agro” MMC pambıqçılıq şirkətlərinin müxtəlif rayonlarda yerləşən təsərrüfatlarında 2 il müddətində yerinə yetirilməsinin nəzərdə tutulduğunu bildirib, birinci ildə pambıq bitkilərinin məhsuldarlığının 20%, ikinci ildə isə lazımi tədbirləri tətbiq edərək 35% yüksəldilməsinə nail olunacağını əsaslandırıb. Layihənin beynəlxalq və yerli təlimlər vasitəsilə digər bölgələrdə də tətbiq ediləcəyini qeyd edilib.
Layihənin yerinə yetirilməsinə yerli mütəxəssislərlə yanaşı Türkiyənin Ege Universitetinin, Agrobest Grup A.Ş, Brandt Consolidate (ABŞ) və T.STANES & COMPANY (Hindistan) şirkətlərinin müvafiq sahələr üzrə əməkdaşları da cəlb olunacaq.
Respublikada pambıq istehsalı ilə məşğul olan “MKT İK” MMC, “Azərpambıq ASK” MMC, “P-Agro” MMC və nazirliyin aidiyyəti qurumlarının təqdimatda iştirak edən mütəxəssisləri layihənin müvəffəqiyyətlə həyata keçirilməsi üçün təklif və tövsiyələrini bildiriblər.
9-10 dekabr tarixlərində “Kənddən Şəhərə” həftəsonu yarmarkası təşkil olunacaq
07 Dekabr 2023
Aqrar Sığorta Fondu zərər çəkən fermerlərə 2,8 milyon manat ödəniş edib
07 Dekabr 2023
Kişineuda Azərbaycan-Moldova iqtisadi əməkdaşlıq üzrə birgə hökumətlərarası komissiyanın 5-ci iclası keçirilib
07 Dekabr 2023
Aqrar Xidmətlər Agentliyinin sədri Sərdar Hacıyev Yevlaxda vətəndaşları qəbul edəcək
07 Dekabr 2023
“Ulu Öndər Heydər Əliyevin kənd təsərrüfatının inkişafında rolu” mövzusunda tədbir keçirilib
06 Dekabr 2023