Ucar rayonunda “Respublikada payızlıq taxıl əkinlərinin mövcud vəziyyəti və qarşıda duran vəzifələrin yerinə yetirilməsi” mövzusunda regional müşavirə keçirilib. Tədbirdə Ağdam, Ağdaş, Ağcabədi, Ağsu, Bərdə, Füzuli, Göyçay, Göygöl, Şamaxı, Şəmkir, Tərtər, Ucar, Yevlax, Zərdab və Samux rayonlarının Dövlət Aqrar İnkişaf Mərkəzlərinin rəhbərləri və mütəxəssisləri iştirak edib.
Kənd Təsərrüfatı Nazirliyinin Bitkiçiliyin təşkili və monitorinqi şöbəsinin müdiri Rafail Quliyev rəhbərliyi ilə keçirilən müşavirədə bildirilib ki, 2020-ci ilin məhsulu üçün respublika üzrə 1 milyon hektardan çox sahədə payızlıq taxıl səpini nəzərdə tutulur. Dövlət Aqrar İnkişaf Mərkəzlərindən daxil olmuş operativ məlumatlara əsasən, indiyədək ölkə üzrə bu ərazilərin 98 faizində payızlıq taxıl səpini başa çatdırılıb. Qeyd edilib ki, pambıq əkinindən sonra növbəli əkin sisteminin tətbiqi məqsədilə pambıqçılıq rayonlarında az miqdarda qalan sahələrdə səpin qısa müddətdə başa çatdırılacaq.
Tədbirdə dəvət olunan rayonların Dövlət Aqrar İnkişaf Mərkəzlərinin rəhbərləri və mütəxəssisləri ilə son aylarda ölkə ərazisində müşahidə edilən kəskin quraqlıq və suvarma suyunun çatışmaması nəticəsində taxıl sahələrinin suvarılmasında yaranmış çətinliklərin aradan qaldırılması yolları, əkin sahələrinin fitosanitar vəziyyəti, növbəti mərhələlərdə aparılacaq aqrotexniki tədbirlərin yerinə yetirilməsi üçün pestisid və yemləmə gübrələri ilə təminatın vəziyyəti geniş müzakirə edilmişdir.
Müşavirədə çıxış edən Aqrar Xidmətlər Agentliyinin sədr müavini Yaqub Cəfərov taxıl əkin sahələrinin fitosanitar vəziyyəti və qarşıda duran işlər, taxıl əkinlərində aparılmış monitorinqlər, həyata keçirilən tədbirlər, çətinliklər və onların həlli yolları barədə məlumat verib.
Tədbirdə qısa müddətdə taxıl sahələrinin suvarılmasının intensivləşdirilməsi məqsədilə təsirli tədbirlərin həyata keçirilməsinin vacibliyi qeyd olunub və nəticəsi barədə Nazirliyə müntəzəm məlumatların təqdim olunması qərara alınıb.
Tədbirin sonunda Ucar rayonunun bir neçə kəndində müxtəlif vaxtlarda əkilmiş taxıl sahələrinə baxış keçirilib, müvafiq məsləhətlər verilib.
Daşkənddə Türk Dövlətləri Aqrobiznes Forumu keçirilib
04 Iyul 2022
Çəyirtkəkimilərə qarşı müşahidə və mübarizə tədbirləri davam etdirilir
04 Iyul 2022
Azərbaycanın dağlıq və dağətəyi ərazilərində taxıl biçininə start verilib
01 Iyul 2022
Yay şumunun əhəmiyyəti - fermerlərə məsləhət
01 Iyul 2022
Brüsseldə Azərbaycanın “Ağıllı kənd” modelini təbliğ edən tədbirlər keçirilib
30 Iyun 2022