Kənd Təsərrüfatı Nazirliyi və “Yüksəliş” İctimai Birliyi arasında əməkdaşlıq çərçivəsində həyata keçirilən “Üfüq” Karyera İnkişaf Proqramı üzrə müsabiqənin qalibləri müəyyənləşib. İyunun 22-də keçirilən müsabiqənin finalında iştirak edən 191 namizəddən ən yüksək bal toplayan 30 nəfər qalib adını qazanıb. Müsabiqənin şərtlərinə əsasən, 25 qalibin seçilməsi planlaşdırılsa da, 5 nəfər eyni nəticəni göstərdiyi üçün Təşkilat Komissiyası həmin iştirakçıların hər birinin səriştə və bacarıqlarının ədalətli qiymətləndirilməsi baxımından onların qalib elan olunmasına qərar verib.

Qaliblərdən 17-si kişi, 13-ü qadındır. Ən gənc qalibin 23, ən yaşlı qalibin isə 43 yaşı var. “Üfüq” müsabiqəsinin qaliblərindən 16 nəfər Bakı-Abşeronda, 14 nəfər isə bölgələrdə çalışır.

Qaliblərin adlarını təqdim edirik:

1. Pərviz Əliyev                11. Leyla Hüseynzadə                    21. Orxan Hüseynov
2. Rəvan Səmədli             12. Asif İsmayılov                          22. Pərviz Quliyev
3. Murad İbrahimov          13. Rabil Mehtiyev                         23. Elnur Nöhbalayev
4. Raiq Hüseynov             14. Seymur Müxtəsənov                24. Aytən Həsənova
5. Tünzalə Muradova        15. Əfsanə Heydərova                  25. Aqşin Şirinov
6. Vaqif Mehdiyev             16. Hacıağa Əhmədov                  26. Fərəh Xanməmmədova 
7. Aytəkin Süleymanlı       17. Tamara Nəbiyeva                    27. Mahirə Əbilova
8. Elvin Ağayev                 18. Rauf Babayev                          28. Mahmud Abdullayev
9. Nuranə Babazadə         19. Xuraman Hacıbəyli                 29. Novruzəli Sadıxlı
10. Aynurə Quliyeva            20. Nuray Bağırzadə                     30. Təhminə Təhməzli 

Müsabiqənin qalibləri inkişaf proqramına cəlb olunacaq, müxtəlif təlimlər, kouçinq sessiyaları, komanda quruculuğu tədbirləri, Kənd Təsərrüfatı Nazirliyinin idarəçi rəhbərləri ilə mentorluq proqramında iştirak edəcəklər.

Xatırladaq ki, Kənd Təsərrüfatı Nazirliyi və “Yüksəliş” İctimai Birliyi arasında imzalanmış Əməkdaşlıq Memorandumuna əsasən ilk dəfə təşkil edilən “Üfüq” Karyera İnkişaf Proqramı üzrə müsabiqənin əsas məqsədi Kənd Təsərrüfatı Nazirliyində intellektual səviyyəsi yüksək olan perspektivli kadrların müəyyən edilməsi, onların inkişaf etdirilməsi, dəstəklənməsi və onların karyera inkişafına şərait yaratmaqdır.