Aqrar Elm və İnnovasiya Mərkəzinin təşəbbüsü ilə Beyləqan rayonunun Qəhrəmanlı kəndində taxıl bitkilərinin tirə əkin üsulu ilə yetişdirilməsi texnologiyası nümayiş etdirilib. Beyləqan Regional Aqrar Elm və İnnovasiya Mərkəzinin sahəsində baş tutmuş nümayişdə nazirliyin əməkdaşları, fermerlər, sahibkarlar iştirak ediblər. Türkiyədən gətirilmiş səpin aqreqatı vasitəsi ilə aparılan tirəli səpinin iqtisadi üstünlükləri fermerlərə əyani göstərilib.
Mütəxəssislər bildiriblər ki, bu intensiv əkin üsulu ənənəvi əkin üsulundan xeyli fərqlənir. Sahə şumlandıqdan və əkinə hazır vəziyyətə gətirildikdən sonra xüsusi hazırlanmış toxumsəpənlə həm bir gedişlə 20-30 sm hündürlükdə tirələr yaradılır, həm də səpin həyata keçirilir. Seçilmiş bitkidən asılı olaraq şırımarası məsafə 70-90 sm arasında dəyişir. Hazırlanmış tirələrin səthinin eni 30-45 sm arasında dəyişir. Tirənin səthinə iki yaxud üç cərgədə toxum səpilir. Əgər tirənin səthində iki cərgə toxum səpilərsə, tirə səthinin eni 30-35 sm, üç cərgə toxum səpilərsə, tirə səthinin eni 45 sm enində olur. Hazırda Beyləqan Regional Aqrar Elm və İnnovasiya Mərkəzinin əkin sahəsində arpanın tirə əkin üsulu ilə nümayiş sahəsi yaradılır.
Sahə nümayişi zamanı fermerlərin yeni texnologiya ilə bağlı çoxsaylı sualları cavablandırılıb.
Azərbaycan və ABŞ arasında aqrar investisiya və texnologiya sahələrində əməkdaşlıq müzakirə olunub
19 Noyabr 2026
Tovuzda sahibkarlıq subyektlərinin fəaliyyəti ilə tanışlıq olub
19 Noyabr 2026
Zaqatalada Dövlət Proqramı çərçivəsində təsərrüfatlara baxış keçirilib
19 Noyabr 2026
Bakıda “Peşə Təhsili Forumu” keçirilib
19 Noyabr 2026
Xaçmazda beynəlxalq ekspertin iştirakı ilə müasir bağçılıq üzrə sahə görüşü keçirilib
19 Noyabr 2026