Fermerlər Fransada keçirilən sərgidən yüksək təəssüratlarla qayıdıblar
“Fransanın Klermon-Ferran şəhərində keçirilən beynəlxalq heyvandarlıq sərgisinə Kənd Təsərrüfatı Nazirliyinin təşkilatçılığı ilə fermerlərin gəlişinin əsas məqsədi burada nümayiş olunan heyvan cinsləri ilə tanış olmaq, onlardan ölkəmizin iqliminə uyğunlaşa bilən cinsləri seçmək, yerli cinslərlə mayalandıraraq məhsuldarlığı artırmaqdır. Beynəlxalq səviyyədə heyvandarlıq sahəsində müxtəlif təcrübələrlə yerindəcə tanış olmaq üçün fermerlərimizə belə bir şərait yaratdığına görə dövlətimizə minnətdarıq”. Bu fikirləri Azərbaycanın Fransadakı səfirliyinin və Kənd Təsərrüfatı Nazirliyinin birgə təşkilatçılığı və dəstəyi ilə Klermon-Ferran şəhərində “Sommet de l’elevage” (“Heyvandarlıq zirvəsi”) beynəlxalq heyvandarlıq sərgisinə qatılan qubalı fermer İldırım Məmmədov söyləyib.
Fermer bildirib ki, sərgidə müxtəlif ölkələrdən gətirilmiş çoxsaylı cins heyvanlar nümayiş olunur: “Ölkəmizdə uzun müddətdir eyni cinslər olduğu üçün genləri cılızlaşıb. Bu da ət və süd tələbatının ödənilməsinə maneə törədir, heyvanların saxlanması baha başa gəlir və məhsuldarlıq istənilən nəticəni vermir. Sərgidə nümayiş olunan cinslər tez çəki artırma qabiliyyətinə malikdir. Ancaq ölkəmizdəki yerli cinslər çəki artırma baxımından uzun müddət tələb edir və bu da onların baha başa gəlməsinə səbəb olur. Burada seçdiyimiz cinslərlə yerli cinsləri mayalandıracaq və çalışacağıq ki, hər iki cinsin müsbət xüsusiyyətlərini əks etdirən yeni, daha məhsuldar cinslər əldə edək”.
“Səfərimizdə məqsəd məhsuldar heyvan cinsləri ilə tanış olmaq və ölkəmizin tələbatına uyğun damazlıq heyvanlar seçməkdir. Burada fermerlərə müxtəlif cinslərlə, onların bəslənilməsi ilə yaxından tanış olmaq imkanı yaradılıb”. Bu fikirləri isə sərgiyə qatılan lerikli fermer Pənah Hüseynov deyib.
Lerikli fermer bildirib ki, sərgidə məhsuldar cins seçərək, ölkəmizdəki yerli heyvanlarla mayalandırmaq və xəstəliklərə dözümlü yeni cins yetişdirmək niyyətindədir.
“Məhsuldarlığı artırmaq üçün yeni yanaşmalar lazımdır. Bu baxımdan Klermon-Ferranda keçirilən beynəlxalq heyvandarlıq sərgisi biz fermerlərə geniş imkanlar açır. Məhsuldarlığı az olan yerli xırdabuynuzlu heyvanları sərgidə nümayiş etdirilən məhsuldar cinslərlə mayalandıraraq ölkəmizin iqliminə, müxtəlif xəstəliklərə dözümlü yeni cins heyvanlar yetişdirməliyik”.
Azərbaycan və ABŞ arasında aqrar investisiya və texnologiya sahələrində əməkdaşlıq müzakirə olunub
19 Noyabr 2026
Tovuzda sahibkarlıq subyektlərinin fəaliyyəti ilə tanışlıq olub
19 Noyabr 2026
Zaqatalada Dövlət Proqramı çərçivəsində təsərrüfatlara baxış keçirilib
19 Noyabr 2026
Bakıda “Peşə Təhsili Forumu” keçirilib
19 Noyabr 2026
Xaçmazda beynəlxalq ekspertin iştirakı ilə müasir bağçılıq üzrə sahə görüşü keçirilib
19 Noyabr 2026