Aqrar Xidmətlər Agenlitiynin mütəxəssiləri tərəfindən Biləsuvar, İmişli, Saatlı və Sabirabad rayonlarının bitki mühafizəsi mütəxəssisləri və fermerlər üçün “Çəyirtkəkimilərlə mübarizədə tətbiq edilən pestisidlərin insanlara və ətraf mühitə mənfi təsirinin azaldılması, həmçinin Məlumatların Toplanmasının Avtomatlaşdırılmış Sistemi (ASDC) üzrə yığılması” mövzusunda təlim keçirilib.
Təlimdə yerli qurumların bitki mühafizəsi üzrə mütəxəssisləri və fermerlər iştirak edib. İştirakçılara çəyirtkəkimilərin biologiyası, zərərvurma xüsusiyyətləri, onlara qarşı mübarizə üsulları və dərmanlamalar zamanı pestisidlərin insanlara və ətraf mühitə mənfi təsirinin azaldılması, həmçinin çəyirtkələrlə bağlı Məlumatların Toplanmasının Avtomatlaşdırılmış Sistemi (ASDC) üzrə yığılması barədə ətraflı məlumatlar verilib. Təlim tarla şəraitində - çəyirtkələrin məskunlaşdığı Küdrü düzü ərazisində davam etdirilib və çəyirtkələrlə bağlı avtomatlaşdırılmış sistem (ASDC) üzrə toplanmış məlumatların planşetlərə köçürülməsi, məlumat bazasına ötürülməsi izah olunub və ultra kiçik həcmli (UKH) çiləyici texnikaların kalibirlənməsi nümayiş etdirilib.
Qeyd edək ki, ölkəmizdə sürü əmələ gətirən Mərakeş, İtaliya və Asiya çəyirtkələri mövcuddur. Məskunlaşma yerləri adətən dağətəyi ərazilər, yamaclar, seyrəkləşmiş otluq sahələri, xam torpaqlar və digər yerlərdir. Bu növlər xüsusi təhlükəli zərərli orqanizmlərə aid olub geniş polifaq zərərvericilər hesab edilir. Ölkə ərazisində 1 nəsil verir.
Hər il sürü əmələ gətirən çəyirtkəkimilərin idarə edilməsi, müşahidələrin aparılması və mübarizə işinin təşkili məqsədilə Aqrar Xidmətlər Agentliyində çəyirtkələrə qarşı mübarizə kampaniyası yaradılır və mart-sentyabr aylarında çöl şəraitində mübarizə işləri həyata keçirilir.
Analoji tədbirlərinin Eldar düzü, Ceyrançöl və Acınohur çöllərində davam etdirilməsi nəzərdə tutulur.
Azərbaycan və Somali arasında kənd təsərrüfatı sahəsində əməkdaşlıq haqqında Anlaşma Memorandumu imzalanıb
12 May 2025
Nazir Məcnun Məmmədov Latviyanın Azərbaycandakı səfiri ilə görüşüb
12 May 2025
Nazir Məcnun Məmmədov Gəncədə Ümummilli Lider Heydər Əliyevin anadan olmasının 102-ci ildönümünə həsr olunan elmi-praktiki konfransda iştirak edib
08 May 2025
9-11 may tarixlərində “Kənddən Şəhərə” həftəsonu yarmarkası təşkil olunacaq
08 May 2025
Nazir Məcnun Məmmədov Ağstafa, Tovuz və Şəmkirdə təsərrüfatlara baş çəkib, şərab istehsalı müəssisələrinin fəaliyyəti ilə tanış olub
07 May 2025