Kürdəmir rayonunun Sığırlı kəndində quşçuluqla məşğul olan təsərrüfat sahibləri üçün “Quşlarda çiçək və nyukasl xəstəliklərinin profilaktikası və mübarizə tədbirləri” mövzusunda təlim keçirilib. Təlim Aqrar Xidmətlər Agentliyinin (AXA) Kürdəmir Rayon Baytarlıq İdarəsinin rəisi Mehman Nəsirov tərəfindən keçirilib.
Təlimdə bildirilib ki, Kürdəmir rayonunda nyukasl xəstəliyinə qarşı cari ilin 8 ayı ərzində 992835 baş cavan quşlarda “La-sota” vaksini ilə, 838246 baş yaşlı quşlarda “H” vaksini ilə profilaktiki peyvəndləmə tədbirləri aparılıb. Təkcə Sığırlı kəndində 609300 baş cavan quşlarda, 431000 baş yaşlı quşlarda nyukasl xəstəliyinə qarşı profilaktik peyvəndləmə tədbiri yerinə yetirilib. Təlimdə fermerlərə nyukasl və çiçək xəstəlikləri, xəstəliklərin etiologiyası, patogenizi, kliniki əlamətləri, davamlılığı və mübarizə tədbirləri barədə geniş məlumat verilib.
Təlimdə nyukasl xəstəliyinin diaqnostikası, profilaktikası və ləğvinin dövlət vəsaiti hesabına, çiçək xəstəliyinin isə vətəndaşın öz vəsaiti hesabına aparılması vurğulanıb.
Təlim zamanı həm də ev quşlarının saxlanma və bəslənməsinə dair geniş məlumat verilib və gözlənilməz infeksion xəstəliklərdən qorunmaq üçün əlavə tədbirlər barədə təsərrüfat sahibləri maarifləndirilıb. Bildirilib ki, bütün infeksion xəstəliklərdən qorunmaq məqsədilə quşçuluqda istifadə olunan damlar, alətlər, yem və su qablarının baytarlıq-sanitariya cəhətdən steril olması üçün vaxtlı-vaxtında dezinfeksiya və dezinseksiya işləri aparılmalıdır. Təsərrüfat sahiblərinə hər iki xəstəliyin törədicilərinin davamlılığı barədə məlumat verilib, istifadə olunan kimyəvi maddələr barədə maarifləndirici söhbətlər aparılıb.
Bildirilib ki, quşlar yemlənən zaman yemlərin tərkibində olan vitaminlərin və mineral maddələrin norması quşların tələbatına uyğun olaraq verilməlidir. Belə ki, quşların saxlanılması zamanı vitamin və mineral maddələrin çatışmazlığı orqanizmin immun zəifliyinə səbəb olur ki, bu da müxtəlif infeksion və digər xəstəliklərin yoluxma riskini artırır.
Təlim geniş diskussiya şəraitində davam etdirilib və fermerlərin sualları ətraflı cavablandırılıb.
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024