Bu gün ölkəmizdə fəaliyyət göstərən diplomatik korpus və səfirliklərin nümayəndələri “Kənddən şəhərə” layihəsi çərçivəsində təşkil olunan Arıçılıq məhsullarının 20-ci Satış-Sərgi Yarmarkasında olublar. Yarmarkanı ziyarət edən heyətdə Fransa, Çexiya, Tacikistan, Yaponiya, İsveçrə, Gürcüstan, Niderland, Bolqarıstan, Çin, Hindistan, İtaliya, Braziliya, Rusiya, Belarus, Avstriya və Səudiyyə Ərəbistanının ölkəmizdəki səfirlikləri, o cümlədən BMT-nin Ərzaq və Kənd Təsərrüfatı Təşkilatının Azərbaycan Ofisi, BMT-nin İnkişaf Proqramı və Beynəlxalq Maliyyə Korporasiyasının nümayəndələri təmsil olunub.
Qonaqların bal yarmarkasına ziyarətinin təşkilində əsas məqsəd yerli arıçılıq məhsullarını tanıtmaq və ölkəmizin bu sahədə olan potensialını nümayiş etdirmək olub. Diplomatik korpus nümayəndələri ölkəmizin müxtəlif regionlarından gəlmiş arıçılarla söhbət edib və arıçılıq məhsullarının dadına baxıblar. Həmçinin, onlara ölkəmizdə arıçılığın tarixi, inkişaf istiqamətləri və bu sahədə həyata keçirilən layihələr barədə məlumatlar verilib.
Xatırladaq ki, Arıçılıq məhsullarının 20-ci Respublika Sərgi-Satış Yarmarkası Kənd Təsərrüfatı Nazirliyinin tabeliyində olan “Aqrar Tədarük və Təchizat” ASC və Arıçılar Assosiasiyasının birgə təşkilatçılığı ilə baş tutur. Nərimanov rayonu, Fətəli xan Xoyski prospekti 10 ünvanında (Tofiq Bəhramov adına Respublika Stadionunun ərazisi) təşkil olunan yarmarka 18 oktyabr tarixinə qədər davam edəcək. Yarmarkada ümumilikdə 37 rayon və bölgədən 321 arıçı iştirak edir.
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024