Salyan rayonunda üzümçülük fermer təsərrüfatları üçün “Üzümçülükdə yaz-yay mövsümündə aqrotexniki, aqrokimyəvi və bitki mühafizə tədbirləri yüksək məhsuldarlığın və keyfiyyətin əsasıdır” mövzusunda tarla seminarı keçirilib. Kənd Təsərrüfatı Nazirliyi, Üzümçülük və Şərabçılıq Elmi-Tədqiqat İnstitutu, Salyan Dövlət Aqrar İnkişaf Mərkəzinin (DAİM) birgə təşkilatçılığı ilə keçirilən seminarın əsas məqsədi üzüm bağlarında məhsuldarlıq göstəricilərinin və məhsulun keyfiyyətinin yüksəldilməsi üçün kiçik və orta həcmli fermer təsərrüfatlarına elmi-praktiki məsləhət və xidmətlərin göstərilməsi, onların praktiki bacarıqlarının artırılmasına nail olmaqdır. Təlim və seminarlarda fermerlərə üzümlüklərin məqsədyönlü becərilmə texnologiyası, səmərəli diferensial aqrotexniki, aqrokimyəvi və inteqrir mübarizə tədbirləri, üzümçülükdə qarşıya çıxan risklərin mənfi təsirlərindən sığortalanmaq məqsədilə preventiv tədbirlər barədə ətraflı məlumat verilib.
Tədbirdə üzümçülükdə mövsümü aqronomik və bitki mühafizə tədbirlərinin vacibliyi, onların həyata keçirilmə texnologiyası, üzümlüklərin təbii risklərdən, o cümlədən anomal istilərdən qorunnması yolları fermerlərin diqqətinə çatdırılıb. Üzümlüklərdə xəstəlik və zərərvericilərə qarşı kompleks mübarizə tədbirinin həyata keçirilmə texnologiyası əyani nümayiş etdirilib. Qeyd edilib ki, kompleks mübarizə tədbirləri vaxt itkisinin qarşısını almaqla, optimal müddətdə bir neçə xəstəlik və zərərvericilərə qarşı mübarizənin səmərəliliyini artırır, üzümlüklərə qulluq xərclərinin aşağı düşməsini təmin edir, digər tərəfdən məhsulun kəmiyyət və keyfiyyətini yaxşılaşdırır, məhsul itkisinin qarşısını tam alır.
Seminarda iştirak edən fermerlər üzümün becərilmə texnologiyası ilə bağlı elmi və praktiki xidmətləri yüksək qiymətləndiriblər. Tədbirin sonunda fermerlərə Üzümçülük və Şərabçılıq Elmi-Tədqiqat İnstitutunun əməkdaşlarının nəşr etdirdiyi “Üzümü çürümə xəstəliklərindən qoruyaq”, “Üzümçünün təqvimi”, “Üzümçülükdə innovativ diferensial texnologiyalar və risklər”, “Üzümçülükdə ekoloji (təbii) risklər və abiotik amillərin üzümə təsiri” adlı broşur və kitablar, o cümlədən üzümçülüyün müxtəlif sahələrinə aid bukletlər paylanıb.
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024