Azərbaycan Respublikasının kənd təsərrüfatı naziri Məcnun Məmmədov oktyabrın 27-də saat 10:00-da İmişli Dövlət Aqrar İnkişaf Mərkəzində (DAİM) İmişli, Beyləqan, Saatlı və Sabirabad rayonlarından olan vətəndaşları qəbul edəcək.
Qəbul zamanı bu rayonlardan olan vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulunda iştirak etmək istəyən İmişli, Beyləqan, Saatlı və Sabirabad rayonlarının sakinləri İmişli DAİM-ə (050-347-57-59; 050-331-12-10) müraciət edə bilərlər.
Qəbula yazılmaq üçün, həmçinin Kənd Təsərrüfatı Nazirliyinin Çağrı Mərkəzinə zəng etməklə (1652) qeydiyyatdan keçmək olar.
Qəbula gələn vətəndaşlar mütləq əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.